სუპერკომპიუტერმა პსჟ-თან ბარსას შანსები შეაფასა

Opta-ს სუპერკომპიუტერმა The Analyst-მა “ბარსელონასა” და “პარ სენ-ჟერმენის” წყვილში მომდევნო ეტაპზე გამსვლელი გუნდი იწინასწარმეტყველა.

სუპერკომპიუტერის პროგნოზით, “ბარსელონა”, დიდი ალბათობით, “პარი სენ-ჟერმენთან” ჩამპიონთა ლიგის 1/4-ფინალში გამოვარდება.

The Analyst-ის ალგორითმის მიხედვით, “ბარსას” 1/2-ფინალში გასვლის შანსი 42.1% არის, პსჟ-ის კი – 57.19%.

სუპერკომპიუტერის პროგნოზის თანახმად, ჩემპიონთა ლიგის ფინალი “უემბლიზე” სწორედ პსჟ-სა (35.3%) და “მანჩესტერ სიტის” (41.9%) შორის გაიმართება. ფავორიტად ისევ “სიტი” მიიჩნევა, რომელიც გასული სეზონის ჩემპიონია.

“ბლაუგრანა” პსჟ-ს ჩემპიონთა ლიგაზე ბოლოს 2020/21 წლების სეზონში 1/8-ფინალში შეხვდა. მაშინ პარიზულმა გუნდმა ორმატჩიან დაპირისპირებაში 5-2 გაიმარჯვა.

იმედია, ბოლოდროინდელი ისტორია არ განმეორდება და როგორც ზოგიერთ შემთხვევაში ხდება, სუპერკომპიუტერი ცდება.