ჩავი ერნანდესი ნაპოლისთან მატჩის შემდეგ

შესანიშნავი მატჩი ჩავატარეთ. ქომაგები ფიქრობდნენ, რომ წასვლაზე განცხადების გაკეთების შემდეგ, სადავეები გამაქცეოდა, მაგრამ ასე არ მოხდა.

ხალხს ჩემი არ სჯეროდა, ბევრი დამსახურებული კრიტიკა შემხვდა. გუნდმა აჩვენა, რომ ევროპაში კონკურენტუნარიანია. ფეხბურთელებს ვუთხარი, რომ მშვიდად ყოფილიყვნენ. 

დაცვაში ძალიან კარგად ვითამაშეთ. რობერტო და რომეუ გუნდისთვის სასიცოცხლო საქმეს აკეთებენ. ბევრი პლუსი გვაქვს. კუბარსი ძალიან მშვიდია და დაძაბულობის გარეშე თამაშობს. როცა მას ბურთი აქვს, პულსი არ მიჩქარდება.

გიუნდოგანი მსოფლიოში ერთ-ერთი საუკეთესო ნახევარმცველია.

4-წლიანი პაუზის შემდეგ, მეოთხედფინალში ვართ. გუნდს რთული წლები ჰქონდა, ახლა კი მიღწეული შედეგით უნდა ვისიამოვნოთ. ბედნიერები ვართ.

დღეს პუბლიკას 10-დან 10 ქულა ეკუთვნის.

სერჟი რობერტო შეტევაშიც და დაცვაშიც დიდებული იყო. ის ძალიან მნიშვნელოვანი ფეხბურთელია. სერჟის უფრო მეტი სათამაშო დრო იმიტომ არ უთამაშია, რომ ტრავმები ჰქონდა. 

ფერმინი იმიტომ შევცვალე, რომ დაღლილი ჩანდა. კონტროლი დავკარგეთ, რის გამოც ლობოტკას გიუნდოგანი და რობერტო დავუყენე, ამის შემდეგ კი ბალანსი აღდგა.

იმაზე უკეთესად ვთამაშობთ, ვიდრე გასულ სეზონში. გუნდი ჯერ კიდევ შენების პროცესშია, მაგრამ დღეს დიდ გუნდს მოვუგეთ. ჩემპიონთა ლიგაზე ჩვენი მიზანი ხელშეუხებელია.

მეოთხედფინალში ძალიან ძლიერი გუნდი შეგვხვდება და მათ წინააღმდეგ ვიბრძოლებთ.