ბარსა ლა ლიგაში გასვლაზე დაუმარცხებელია

მიუხედავად არც ისე წარმატებული სეზონისა, “ბარსელონა” ლა ლიგაში ერთადერთი გუნდია, რომელიც გასვლაზე არ დამარცხებულა – 12 თამაშში 7 მოგება და 5 ფრე. ამ მხრივ, ტურნირის ლიდერებს – “რეალ მადრიდსა” და “ჟირონას” გასვლაზე თითო-თითო წაგება აქვთ.

ევროპის მასშტაბით, პირველი “ინტერია”. მილანელებს 12 მატჩში 10 მოგება და 2 ფრე აქვთ. შემდეგი “ბაიერია”, რომელსაც 11 თამაშში 9 მოგება და 2 ფრე უგროვდება. “ბაიერ ლევერკუზენი” ბუნდესლიგას დაუმარცხებლად ლიდერობს. შემდეგი “ბარსელონაა” და ბოლოსაა პსჟ. ევროპის ტოპ ჩემპიონატებში ეს ოთხი კლუბი რჩება დაუმარცხებელი გასვლით მატჩებში.

აღსანიშნავია, რომ ეს არაა პირველი შემთხვევა, როცა “ბარსა” გასვლით თამაშებში კარგ ციფრებს აღწევს. 2021/22 და 2022/23 წლების სეზონებში კლუბმა ზედიზედ 19 მატჩი არ წააგო სტუმრად (13 მოგება და 6 ფრე). ამრიგად, კიდევ 6 თამაშია საჭირო, რომ “ბლაუგრანამ” არ დამარცხდეს, რათა თავისი რეკორდი გაიმეოროს. გასვლაზე მომდევნო თამაშები გაიმართება “ატლეტიკ ბილბაოს”, “ატლეტიკო მადრიდის”, “კადისის”, “რეალ მადრიდის”, “ჟირონასა” და “ალმერიას” წინააღმდეგ. ხოლო “სევილიასთან” მატჩში კატალონიელებს ახალი რეკორდის დამყარების შანსი ექნებათ.