ვინც ერთხელ მაინც არის ბარსელონაში ნამყოფი დამეთანხმება, რომ ეს ქალაქი ფეხბურთით ცხოვრობს. ადგილობრივ მაცხოვრებლებს საკუთარ აივნებზე “ბარსელონას” დროშები აქვთ გადმოფენილი. ქუჩაში მოსიარულეთა დიდი ნაწილი “ლურჯ–ბროწეულისფერ” ფორმებშია გამოწყობილი და უფრო მეტიც, ზოგიერთი მათგანი საკუთარ ძაღლებსაც კი “ბარსას” ფორმით მოსავს.
“ბარსელონა” – ეს ცხოვრების წესია. კლუბის ოფიციალური მაღაზიები, რომლებიც მრავლადაა ქალაქში, დიდი თუ პატარა “ბუტიკები” სავსეა “ლურჯ–ბროწეულისფერი” ნივთებით: დაწყებული გუნდის ოფიციალური ფორმით, დამთავრებული “ბარსელონას” ლოგოთი დამშვენებული შიდა საცვლებით.
განსაკუთრებით სახალისოა “ბარსას” ფორმები, რომლებიც ნებისმიერი ასაკის ბავშებისთვისაა შეკერილი: პატარა მაისურები, შორტები და გამაშები ერთად ნაკრებში. გულშემატკივრები თავიანთ პატარებს ბავშვობიდან ასწავლიან “ბარსელონას” სიყვარულს. ცნობილმა ესპანურმა პორტალმა Sport.es შეაგროვა სახალისო ფოტოები. გთავაზობთ მინი კოლაჟს:
