სიტუაცია შეიცვალა – ბარსელონა კუნდეს თაობაზე შეთავაზების გაკეთებას განიხილავს

ბოლო საათებში გავრცელებული ცნობებით, ჟიულ კუნდეს “ჩელსიში” ტრანსფერი თითქმის გადაწყვეტილია და “ბარსამ” მისი დათმობა გადაწყვიტა. 

ახლა კი, ელენა კონდისის ინფორმაციით, “ბარსელონა” სიტუაციის გადაფასებას აპირებს, რადგან კატალონიურ კლუბს არ სურს, ფრანგი მცველის ტრანსფერი სრულად გამორიცხოს.

გუშინ კუნდეს შეძენა ძალიან რთული ჩანდა, მაგრამ ახლა სიტუაცია შეცვლილია – “ბარსელონა” ბრძოლაში ბრუნდება და ოფიციალური შეთავაზების გაკეთებას განიხილავს. 

სირთულეების მიუხედავად, “ბარსას” ჟიულის ტრანსფერი არასდროს გამოურიცხავს. კლუბი მუშაობას განაგრძობს, ჩავი ერნანდესი კი მის მოყვანას დაჟინებით ითხოვს. “ბარსელონაში” კუნდეს სიტყვის სჯერათ და იმედოვნებენ, რომ ის კატალონიურ გრანდს კვლავ დაელოდება. ფრანგის სურვილი უცვლელია – მას “ბლაუგრანაში” თამაში უნდა.

ფაბრიციო რომანოს თანახმად, “ჩელსი” “სევილიას” ფეხბურთელის სანაცვლოდ £55 მილიონს სთავაზობს.

თუ საბოლოოდ არაფერი გამოვა, “ბარსა” ინიგო მარტინესზე იფიქრებს.