წარმოგიდგენთ რუბრიკას “ერთი დღე “ბარსელონას” ისტორიაში”. ამჯერად შემოგთავაზებთ “ბარსელონასთან “დაკავშირებულ მოვლენებს, რომლებიც 14 ივნის მოხდა.
თამაშები
14 ივნისს “ბარსელონას” 7-ჯერ უთამაშია. კატალონიელებმა 4 მატჩი მოიგეს და 3 წააგეს.
1925 წელი
“ბარსელონასა” და “ჟუნიპერს” შორის გამართული ამხანაგური მატჩის წინ ტრიბუნებზე შეკრებილმა გულშემატკივრებმა ესპანეთის ჰიმნს უსტვინეს. ხელისუფლების სასჯელმაც არ დააყოვნა – კლუბის დირექტორები დააჯარიმეს, “ბარსას” საშინაო არენა კი 6 თვით დახურეს.
1936 წელი
ესპანეთის თასის ნახევარფინალის განმეორებით მატჩში “ბარსელონამ” “ოსასუნა” 7-1 გაანადგურა. 5 გოლი ესკოლამ გაიტანა. კატალონიელებს პირველი თამაში 2-4 ჰქონდათ წაგებული.
1959 წელი
“ბარსელონამ” “რეალ მადრიდს” ესპანეთის თასის 1/2 ფინალის განმეორებითი თამაშიც მოუგო, ამჯერად 3-1. კატალონიელთა მხრიდან გოლები ლუის სუარესმა (2) და ვილიავერდემ გაიტანეს.
1960 წელი
გარდაიცვალა “ბარსელონას” ყოფილი ფეხბურთელი ვისენს პიერა.
2001 წელი
კატალონიის თასიდან “ბარსელონა” მეოთხელიგელმა, ნახევრად სამოყვარულო “ბალაგერმა” გამოაგდო. თამაშის 2-2 დასრულების შემდეგ “ბლაუგრანამ” თერთმეტმეტრიანების სერიაში 3-4 წააგო.
2006 წელი
ეიდურ გუდიონსენი “ჩელსიდან” “ბარსელონაში” გადმოვიდა.
ოსასუნა გაგვიცამტვერებია
ვერც 14 ივნისი ყოფილა ძალიან დატვირთული დადებითი ემოციებით.