Cat Radio მესისა და ბართომეუს ურთიერთობის უცნობ დეტალებს აქვეყნებს

ჟოზეპ მარია ბართომეუს პრეზიდენტობის პერიოდში “ბარსელონამ” ძალიან დიდი ზიანი მიიღო. გარდა ფინანსური პრობლემებისა, კლუბი ისტორიაში საუკეთესო ფეხბურთელის დაკარგვის საფრთხის წინაშე დადგა.

Cat Radio-მ მესისა და ბართომეუს შორის არსებული ურთიერთობისა და საწყისი უთანხმოების სხვადასხვა დეტალი გაასაჯაროვა.

სიტუაცია თავდაპირველად 2019 წელს “ლივერპულთან” შოკისმომგვრელი მარცხის შემდეგ გამწვავდა. არგენტინელის სახლში, კასტელდეფელსში, ბართომეუმ მესისთან ერნესტო ვალვერდეს მოხსნის შესახებ ისაუბრა. თუმცა, ლეომ უთხრა, რომ მწვრთნელს ბრალი ამ წაგებაში არ მიუძღოდა. 

ამასთანავე მესიმ იკითხა, თუ რამდენად შეესაბამებოდა რეალობას გრიზმანის ტრანსფერზე არსებული ჭორები და გახდიდა თუ არა ფრანგის შეძენა ნეიმარის დაბრუნებას ფინანსურად შეუძლებელს. რაზეც ბართომეუმ უპასუხა, რომ ანტუანის გადმობირება არ იგეგმებოდა.

მიუხედავად ამისა, რამდენიმე დღეში გრიზმანის ტრანსფერი ოფიციალურად დადასტურდა. ამის შემდეგ, მესის პრეზიდენტის მიმართ ნდობა თითქმის სრულად გაუქრა.

შემდგომი ინციდენტი ხელფასების შემცირებას შეეხებოდა. 2019-20 წლებისათვის ფეხბურთელები ხელფასების შემცირებას დათანხმდნენ, თუმცა შემდეგ ბართომეუმ კიდევ ერთხელ მოითხოვა სახელფასო ფონდის შევიწროება და ამაზე უკვე მოთამაშეების მხრიდან უარი მიიღო. მთავარი მიზეზი კი ჟოზეპის მიმართ უნდობლობა გახლდათ.

რამდენიმე თვის შემდეგ, მას მერე რაც “ბარსა” “ბაიერნთან” 2-8 განადგურდა და რონალდ კუმანი მთავარ მწვრთნელად დაინიშნა, მესიმ ბართომეუს მიწერა:

შემდგომ მესი რონალდ კუმანს ესაუბრა და აღნიშნა, რომ საკუთარ თავს უფრო სხვა გუნდში ხედავდა, ვიდრე “ბარსელონაში”. 5 დღის შემდეგ კი ოფიციალური ბიუროფაქსი გააგზავნა.

ჟოზეპს მესისთან გასაუბრება სურდა, თუმცა არგენტინელისგან სრულ იგნორს იღებდა. საბოლოოდ მან ლეოს მამასთან შეძლო შეთანხმება, რომლის მიხედვითაც მესი კლუბს მისი პრეზიდენტობის პერიოდში არ დატოვებდა. 

ამის მიუხედავად ბართომეუსა და “ბარსას” კაპიტანს შორის რაიმე სახის კომუნიკაციას ადგილი აღარც ჰქონია.