ბარსელონა ემერსონის გაყიდვას არ გეგმავს

“ბარსელონა” 22 წლის მარჯვენა მცველის, ემერსონის გაყდივას არ აპირებს. ამ ინფორმაციას ცნობილი სპორტული ჟურნალისტი მარსელო ბეჩლერი ავრცელებს.

ემერსონი ამჟამად “ბეტისში” თამაშობს, თუმცა მისი უფლებების 50% “ბარსელონას” ეკუთვნის. წყაროს ცნობით, კატალონიელებს მომდევნო სეზონში გუნდში ბრაზილიელი ფეხბურთელის ყოლის სურვილი ისევ აქვთ.

იმავე წყაროს ინფორმაციით, “ბარსელონას” გეგმებს ახალგაზრდა მოთამაშის მომავალთან დაკავშირებით მხოლოდ მიმზიდველი შემოთავაზება შეცვლის. ემერსონის გაყიდვის შემთხვევაში, “ბლაუგრანა” ფეხბურთელის ტრანსფერიდან თანხის მხოლოდ ნახევარს მიიღებს, ნახევარს კი – “ბეტისი”. თუმცა, დღეისათვის ნაკლებად სავარაუდოა, რომ “ბარსამ” ახალგაზრდა მცველი ძვირად გაყიდოს, ეს კი იმას ნიშნავს, რომ ემერსონს მომდევნო სეზონში კატალონიურ გუნდში ვიხილავთ. “ბარსელონას” ბრაზილიელის უფლებების დარჩენილი 50% გამოსასყიდად ზაფხულში 9 მილიონი ევროს გადახდა მოუწევს.

ცნობისთვის, ემერსონის ანგარიშზე მიმდინარე სეზონში “ბეტისის” რიგებში 33 მატჩი, 2 გოლი და 4 ასისტია.