ერთი დღე “ბარსას” ისტორიაში – 30 იანვარი

წარმოგიდგენთ რუბრიკას “ერთი დღე “ბარსელონას” ისტორიაში”. ამჯერად შემოგთავაზებთ “ბარსელონასთან “დაკავშირებულ მოვლენებს, რომლებიც 30 იანვარს მოხდა.

თამაშები

30 იანვარს “ბარსელონას” 19-ჯერ უთამაშია. კატალონიელებმა 15 მატჩი მოიგეს, 2 ფრედ დაასრულეს და 2 წააგეს.

1955 წელი

“ვალენსიასთან” 4-1 მოგება “ბარსელონასთვის” ესპანეთის ჩემპიონატში რიგით მე-300 გამოდგა.

1972 წელი

“ესპანიოლთან” გამართულ საშინაო შეხვედრაში “ბარსელონამ” 2-0 მოიგო. გოლები მარსიალმა და რეშაკმა გაიტანეს.

1977 წელი

სეზონის პირველი “კლასიკო” 1-1 დასრულდა. მასპინძლებმა ანგარიში პირის ზუსტი თერთმეტმეტრიანით მე-2 წუთზე გახსნეს, იოჰან კრუიფმა კი მე-16 წუთზე გაათანაბრა.

1980 წელი

ევროპის სუპერ თასის პირველ მატჩში “ბარსა” “ნოტინგემ ფორესტთან” სტუმრად 0-1 დამარცხდა.

1987 წელი

დაიბადა “ბარსელონას” ყოფილი ფეხბურთელი არდა თურანი. 2015-2107 წლებში “ბლაუგრანას” მაისურით ჩატარებულ 55 შეხვედრაში მან 15 გოლი გაიტანა და 11 შედეგიანი გადაცემა გააკეთა.

1997 წელი

“ბარსელონამ” “რეალ მადრიდის” 9 თვიანი წაუგებელი სერია დაასრულა. ესპანეთის თასის 1/8 ფინალის მატჩში, რონალდოს, ნადალისა და ჯოვანის გოლებით კატალონიელებმა 3-2 მოიგეს

2005 წელი

“ბარსელონას” ქალთა გუნდის შემადგენლობაში დებიუტი ჰქონდა მარიბელ დომინგესს, რომელმაც “ტორეხონთან” 5-3 მოგებულ შეხვედრაში ჰეთ თრიქი შეასრულა.

2013 წელი

ესპანეთის თასზე “სანტიაგო ბერნაბეუზე” გამართული “ელ კლასიკო” 1-1 დასრულდა. სტუმართაგან გოლი სესკ ფაბრეგასმა გაიტანა.

2019 წელი

“სევილიასთან” პირველ მატჩში 0-2 წაგების შემდეგ, ესპანეთის თასის განმეორებით თამაშში “ბარსელონამ” 6-1 მოიგო. გოლები კოუტინიომ (2), რაკიტიჩმა, სერჟი რობერტომ, სუარესმა და მესიმ გაიტანეს. ლეოს ეს გოლი თასზე მისთვის თავისი 50-ე იყო.

2020 წელი

“ბარსელონას” ქალთა გუნდმა Naulover-თან ხელშეკრულება გააფორმა. კატალონიური მოდის სახლი “ბლაუგრანას” ქალთა გუნდის ისტორიაში პირველი მოედანს მიღმა სპონსორი გახდა.