ერთი დღე “ბარსას” ისტორიაში – 18 იანვარი

წარმოგიდგენთ რუბრიკას “ერთი დღე “ბარსელონას” ისტორიაში. ამჯერად შემოგთავაზებთ “ბარსელონასთან “დაკავშირებულ მოვლენებს, რომლებიც 18 იანვარს მოხდა.

თამაშები

18 იანვარს “ბარსელონამ” 15 ოფიციალური თამაში ჩაატარა, საიდანაც კატალონიელებმა 7 მოიგეს, 5 ფრედ დაასრულეს და 3 წააგეს.

1931 წელი

“რეალ უნიონთან” გასვლით მატჩში (1-1) “ბარსელონამ” ლა ლიგაში თავისი მე-100 გოლი გაიტანა, რომლის ავტორიც აროშა გახდა.

1954 წელი

დაიბადა “ბარსელონას” ყოფილი ფეხბურთელი ანტონიო ოლმო. 1976-1984 წლებში მან ლა ლიგაში “ბლაუგრანას” მაისურით 188 თამაში ჩაატარა და 4 გოლი გაიტანა.

1971 წელი

დაიბადა “ბარსელონას” ლეგენდარული კაპიტანი და მწვრთნელი პეპ გვარდიოლა. 1990-2001 წლებში მან “ბლაუგრანას” ფორმით 378 შეხვედრა ჩაატარა, 11 გოლი გაიტანა და 37 საგოლე გადაცემა გააკეთა. პეპმა “ბარსელონაში” , ფეხბურთელობის დროს 15 ტიტული მოიგო – 6 ლა ლიგა, 3 ესპანეთის სუპერ თასი, 2 ევროპის სუპერ თასი. ესპანეთის თასი, ჩემპიონთა ლიგა, თასების მფლობელთა თასი. 2008-2012 წლებში ის “ბარსელონას” მთავარი მწვრთნელი იყო. ამ 4 წლის განმავლობაში გვარდიოლას გუნდმა 14 ტიტული მოიგო – 3 ლა ლიგა, 2 ესპანეთის თასი, 3 ესპანეთის სუპერ თასი, 2 ჩემპიონთა ლიგა, 2 ევროპის სუპერ თასი, 2 მსოფლიოს საკლუბო ჩემპიონატი.

1971 წელი

დაიბადა “ბარსელონას” ყოფილი ფეხბურთელი პაბლო მაკედა. 1991-1993 წლებში მან ლა ლიგაში 3 თამაში ჩაატარა.

1998 წელი

დაიბადა “ბარსელონას” ქალთა გუნდის ფეხბურთელი აიტანა ბონმატი.

2003 წელი

“ბარსელონამ” “კამპ ნოუზე” “ვალენსიასთან” ანგარიშით 2-4 წააგო. ამ მარცხის შემდეგ გაცოფებულმა გულშემატკივრებმა, ძირითადად რადიკალური დაჯგუფების Boixos Nois-ის წევრებმა სტადიონის ფანჯრები და კარები დაამსხვრიეს. მათ იერიში ჟურნალისტებზეც მიიტანეს. კატალონიელთა მთავარმა მწვრთნელმა, ლუი ვან გაალმა, ამის შემდეგ მხოლოდ ერთი თამაშის ჩატარება მოასწრო (“სელტასთან” 0-2) და გუნდი იმ დროს დატოვა, როდესაც გასავარდნ ზონასთან სხვაობა 3 ქულა იყო.

2012 წელი

ესპანეთის თასის 1/4 ფინალის პირველ მატჩში “ბარსელონამ” “რეალ მადრიდი” მადრიდში 2-1 დაამარცხა. სტუმართა მხრიდან გოლები კარლეს პუიოლმა და ერიკ აბიდალმა გაიტანეს.

2015 წელი

“ბარსელონამ” “დეპორტივო” სტუმრად 4-0 გაანადგურა. ანდრეს ინიესტამ ლა ლიგაში 350-ე თამაში ჩაატარა, ლეო მესიმ კი აქტივში მორიგი ჰეთ თრიქი მიითვალა.

2024 წელი

“უნიონისტას სალამანკასთან” ესპანეთის თასზე 3-1 მოგებულ შეხვედრაში “ბარსელონას” პირველ გუნდში პაუ კუბარსის დებიუტი შედგა.