რონალდ კუმანი “რეალთან” მარცხის შემდეგ

“ბარსელონას” მთავარი მწვრთნელი, რონალდ კუმანი, სეზონის პირველ “ელ კლასიკოში” მარცხის (1-3) შემდეგ, კომენტარს აკეთებს.

“ლანგლესა და რამოსის მომენტში პენალტის დანიშვნა ჩემთვის გაუგებარი იყო. ვიდეომსაჯი ყოველთვის ჩვენს წინააღმდეგაა. მაგალითად, არდანიშნული პენალტი მესიზე “სევილიასთან”, წითელი ბარათი “ხეტაფესთან”… ბოლო 5 მატჩიდან მათ ჩვენს სასარგებლოდ 1 გადაწყვეტილებაც კი არ მიიღეს.

ვგეგმავდით, რომ კონტროლი არ დაგვეკარგა, თუმცა პოზიციებს ვერ ვინარჩუნებდით. თავიდან საგოლე მომენტების შექმნა დავიწყეთ, ფლანგებიდან მოქმედებები ავასწრაფეთ… სარისკოა, თუმცა მნიშვნელობა არ აქვს, 1-2-ს წააგებ თუ 1-3-ს.

მიუხედავად იმისა, რომ 2 მატჩი უკვე წავაგეთ, არ მგონია, რომ რამეზე უნდა ვწუხდეთ. ჯერ ადრეა, ყველაფერი წინ გვაქვს. დღევანდელი მატჩის წაგება არ დაგვიმსახურებია”.