ბრაზილიის ეროვნული ნაკრებისა და “ლივერპულის” შემტევი, რობერტო ფირმინო, თანამემამულე ფილიპე კოუტინიოს მიმართ საქებარ სიტყვებს არ იშურებს.
“იგი ფენომენალურია. უბრალოდ, ვერ იტყვი, რომ ის ჯადოქარი არ არის. მას მაგიური ძალები აქვს, ისეთ რაღაცებს აკეთებს, რასაც წინასწარ ვერ მოიფიქრებ.
თუ გინდა მიხვდე რა გააკეთა, განმეორებას უნდა უყურო. წარმოუდგენელი ფეხბურთელია. ჩემთვის, დიდი პატივი იყო მასთან ერთად “ლივერპულში” თამაში და დიდი პატივია მასთან ერთად “სელესაოში” თამაში.
მე ფილიპეს დიდი გულშემატკივარი ვარ. იგი მსოფლიოს ერთ-ერთი საუკეთესო ფეხბურთელია”, – თქვა ფირმინომ FIFA-ს ოფიციალურ ვებგვერდთან ინტერვიუში.
რამდენიმე დღის წინ, კოუტინიოს გოლისა და ფირმინოს დუბლის წყალობით, ბრაზილიის ნაკრებმა ბოლივია გაანადგურა. მათ მომდევნო მატჩი ხვალ, გამთენიისას, პერუს წინააღმდეგ ელით.
დიახ!