ვიქტორ ფონტის წინასაარჩევნო გეგმა და კუმანთან დამოკიდებულება

“ბარსას” პრეზიდენტობის ერთ-ერთმა კანდიდატმა, ვიქტორ ფონტმა, წინასაარჩევნო გეგმის ნაწილი გამოაქვეყნა, რომელიც რონალდ კუმანის მუშაობასა და გუნდში მის მომავალს შეეხება.

“ბოლო წლებში ვიქტორ ფონტი და მისი გუნდი საფეხბურთო პროექტის სრულ მოდელზე მუშაობდა, სადაც ყველა საორგანიზაციო თემა იყო განხილული. ვიცე-პრეზიდენტიდან ადგილობრივ ბაზარზე მყოფი ფეხბურთელების მწვრთნელამდე.”

“მექანიზმმა, რომელიც ბევრი ერთმანეთთან დაკავშირებული ნაწილისაგან შედგება, გაგვაძლიერა და უპირატესობა მოგვცა. ამის შედეგად მსოფლიოში საუკეთესო გუნდი მივიღეთ.”

“ამ პროექტის მიხედვით, ჩავი ერნანდესი გენერალურ მენეჯერად მოიაზრება. გარდა ამისა, შეგვიძლია, ნებისმიერ დროს განვსაზღვროთ ის პასუხისმგებლობები, რომელსაც აღნიშნული პროექტი ითვალისწინებს.”

“ჩავის ისეთ საკვანძო პოზიციებზე, როგორიც სპორტული მენეჯერი, ტექნიკური დირექტორი, სამედიცინო სერვისების ხელმძღვანელი, მეთოდოლოგი, სკაუტი და ფსიქოლოგია, გვერდში ნიჭიერი კადრები ეყოლება.”

“თუ გუნდს მართვის პატივი ექნება, უპირველესი მიზანი გამარჯვებები, სტაბილურობა და ყველა იმ პროექტის შექმნა იქნება, სადაც ყველა დეტალი ერთმანეთთან სწორად იქნება დაკავშირებული. აუცილებელია, თავი ავარიდოთ ყველა იმ ზედმეტობასა და ბუნდოვან გარემოებას, რომელიც ხანგრძლივი დროის განმავლობაში მაქსიმალურ შედეგს არ მოგვცემს.”

“აქედან გამომდინარე, თუ პოზიტიური ვითარება გაგრძელდება და გუნდი გამარჯვევებს განაგრძობს, პროექტი, რომლის სათავეშიც ჩავი იქნება, რონალდ კუმანს და მის დამხმარეებს სრულ ნდობას გამოუცხადებს.”