დანი ალვესი მოურინიოს, “ბარსას” დირექტორებისა და პრესის შესახებ

როცა დანი ალვესი ლაპარაკს იწყებს, აუცილებლად ჟურნალის გარეკანზე ხვდება. Marca-მ გადაწყვიტა, ბრაზილიელის ცნობილი გამონათქვამები გაგვახსენოს.

კარიერის დასაწყისი

უამრავი სამხრეთ ამერიკელი ფეხბურთელის მსგავსად, ალვესის მთავარი მოტივაციაც, სიღარიბისგან თავის დაღწევა იყო.

“ვამაყობ ჩემი წარსულით. მე ვიცი, რა არის აუცილებლობა და ძალისხმევა, ვიცი რას ნიშნავს თავის სარჩენად დაუღალავი შრომა, ვიცი ცხოვრებას როგორი სახე აქვს.”

“თავს ამაყად ვგრძნობ მაშინ, როცა ვაცნობიერებ, რომ მსხვერპლი, რომელიც გავიღე, დამეხმარა გავმხდარიყავი ის, ვინც ახლა ვარ, ადამიანი, რომელსაც შეუძლია ოჯახს ღირსეული პირობები შეუქმნას.”

“მინდა ახალგაზრდებს მოვუწოდო, რომ არასდროს დანებდნენ და ოცნებებზე უარი არასდროს თქვან. გაიღონ ყველაფერი იმისათვის, რომ დასახულ მიზანს მიაღწიონ.” 

პრესასთან დაპირისპირება

ალვესი ცნობილია თავის გულახდილობით და პირდაპირობით, ის არც სოციალურ ქსელში ერიდება აქტუალურ თემებზე აზრის გამოხატვას და ჟურნალისტებზე შეტევაც მიუტანია.

“ფეხბურთი მიდის იქით, სადაც მისი ადგილი არ არის, ეს მე ძალიან მაბრაზებს. მედია კი უბრალოდ ნაგავია, ის ფეხბურთს არ წარმოადგენს.”

“დავიღალე ცხვრების მოსმენით.”

“ფეხბურთი სახეს კარგავს, თუ გვინდა, რომ შევინარჩუნოთ სანახაობა, მედიამ თავისი საქმე სწორად უნდა გააკეთოს. პრესა დამნაშავეა იმაში, რაც დერბიში მოხდა.”

“ჟურნალისტებთან შეხვედრები მქონდა, მაცოფებს ის, რომ ფეხბურთის გარდა ყველაფერზე სურთ საუბარი, მათთვის მთავარია დაბეჭდონ სკანდალური ინფორმაცია, იმისათვის, რომ მეტი ჟურნალი გაიყიდოს.”

ჟოზე მოურინიოსთან და “რეალთან” დაპირისპირება

ჟოზეს და პეპის დაპირისპირების ერაში, დანი ალვესს, ყოველთვის დიდი სათამაშო როლი ჰქონდა.

“არ აქვს მნიშვნელობა მათ სათავაშე ვინ იქნება, ჟოზე, ზიზუ, ბენიტესი თუ ანჩელოტი, “რეალი” ყოველთვის მზად არის მახე დაგიგოს.”

“მე და ჟოზეს კარგი ურთიერთობა არასდროს გვქონია, თუმცა, ეს ჩემი ბრალი არ არის. უნდა ითქვას, რომ ფეხბურთი მას არ გამოუგონია.”

“ის არის კაცი, რომელსაც მხოლოდ მოგება ანაღვლებს, ბოღმა და შურიანია. დიდი მწვრთნელია, რომელიც დიდ კლუბებს წვრთნიდა და ბევრი ტიტული მოიგო, ისევე როგორც მე და ჩემმა თანაგუნდელებმა. სულ ეს არის.”

“განსაკუთრებულს” ჟოანა სანსი ჰქვია” – დანი ალვესი მისი მეუღლის შესახებ.

“მოუს გუნდმა წაგება არ იცის. ისინი ყოველთვის ბინძურად თამაშობენ.”

ჰელოუინი ხეტაფეში

ერთ-ერთი ყველაზე სკანდალური მოვლენა, რაშიც დანი ალვესი გაეხვია, ხეტაფესთან დაპირისპირების შემდეგ, ჰელოუინის აღნიშვნა იყო. ფეხბურთელებმა ეს მეტოქის სტადიონის გასახდელში გააკეთეს, რაც ბევრმა უპატივცემულობად ჩათვალა.

“ბატონო ანხელ ტორეს, ჩვენ არ გვსურდა კლუბის შეურაცხყოფა, თუ ასე გამოვიდა, ბოდიშს ვიხდი.” – მიმართა ალვესმა “ხეტაფეს” პრეზიდენტს.

“კარგი დრო უნდა გავატაროთ, ცხოვრება მშვენიერია.”

სხვა დასამახსოვრებელი გამონათქვამები

“ჯანმრთელობა ფულზე მნიშვნელოვანია. თუ ჯანმრთელობა არ გაქვს, ესე იგი არაფერი გაქვს.”

“ბარსელონას” ხელმძღვანელობა უმადურად მოიქცა, ისინი პატივს არ მცემდნენ, კონტრაქტის გახანგრძლივება მხოლოდ მას შემდეგ შემომთავაზეს, რაც ტრანსფერების განხორციელების უფლება ჩამოართვეს.”

“ბარსელონას” თავისუფალი აგენტის სტატუსით დატოვება დიდებული იყო.”