“ბარსელონას” ოფიციალური განცხადება “კლასიკოს” გადადებასთან დაკავშირებით

რამდენიმე წუთის წინ, “ბარსელონამ”, გადადებულ “ელ კლასიკოსთან” დაკავშირებით ოფიციალური ინფორმაცია გაავრცელა, რომლის თარგმანსაც გთავაზობთ:

• სამშაბათს, კლუბმა ესპანეთის ფეხბურთის ფედერაციის საშეჯიბრო კომიტეტს აცნობა, რომ ლა ლიგის მიერ შემოთავაზებულ ვარიანტს, “ელ კლასიკოს” “სანტიაგო ბერნაბეუზე” ჩატარებას არ ეთანხმება;
• კლუბის მიზანი იყო “ელ კლასიკო” 26 ოქტომბერს “კამპ ნოუზე” ჩატარებულიყო და კომიტეტს ეს წერილობით ვაცნობეთ;
• კლუბი დარწმუნებულია თავისი წევრებისა და გულშემატკივრების მშვიდობიანობაში. ისინი, “კამპ ნოუზე”, ყოველთვის სამაგალითოდ იქცეოდნენ;
• ესპანეთის ფეხბურთის ფედერაციის საშეჯიბრო კომიტეტმა მაინც მიიღო გადაწყვეტილება, რომ “განსაკუთრებული გარემოებების” გამო, თამაში გადადოს და ახალი თარიღის შეთანხმება კლუბებს დაავალა. ვაცხადებთ, რომ ჩვენი შეთავაზება თამაშის 18 დეკემბერს ჩატარება იქნება;
• კლუბი წუხილს გამოთქვამს იმ დისკომფორტის გამო, რომელიც შესაძლოა კლუბის წევრებსა და გულშემატკივრებს შეექმნათ. ბილეთების თანხის ორშაბათიდან, 21 ოქტომბრიდან დაბრუნებაზე მუშაობა უკვე დაწყებულია.