“ბარსელონელი” თანაგუნდელების შემდეგ, ჟერარ პიკემ “ანდორას” ფეხბურთელებთან ერთადაც ისადილა. იქამდე, ის მის საკუთრებაში მყოფი კლუბის სპონსორებს შეხვდა და განვითარების და პრობლემების მოგვარების გეგმები განიხილა.
პიკეს მისვლის შემდეგ, ანდორულ გუნდს აშკარა პროგრესი აქვს და ესპანეთის ჩემპიონატის მესამე დივიზიონის ჯგუფს ლიდერობს, რომელშიც “ბარსა ბ”-ც გამოდის.
“ანდორას” მფლობელი პიკეს კომპანია Kosmos Holding-ია, რომლის საქმიანობის ყველაზე გახმაურებული ნაწილი საჩოგბურთო ტურნირ დევისის თასის გადაკეთების გეგმა და 3 მილარდიანი ინვესტიციაა.
