“მანჩესტერ სიტისა” და ინგლისის ეროვნული ნაკრების ყოფილმა ნახევარმცველმა, ტრევორ სინკლერმა რამდენიმე დღის წინ განაცხადა, რომ რაჰიმ სტერლინგი კრიშტიანუ რონალდუსა და ლიონელ მესის დონეზე დგას. აღნიშნულ კომენტარს “ქალაქელთა” მწვრთნელი, პეპ გვარდიოლა გამოეხმაურა.
“სიტისა” და ეროვნულ ნაკრებში სტერლინგის წარმატება მახარებს, მაგრამ იმედი მაქვს, ის მსგავს განცხადებებს არ მოუსმენს. კრიშტიანუ და მესი შეუდარებელნი არიან, მათ ვერავინ მიუახლოვდება.
არ ვიცი არის თუ არა ინგლისში სტერლინგი საუკეთესო. ერთად ვმუშაობთ და შემიძლია ვთქვა, რომ რაჰიმი წარმოუდგენლად შრომისმოყვარე და სასიამოვნო პიროვნებაა, მისით აღფრთოვანებული ვარ.”-მოჰყავს პეპის სიტყვები The Independent-ს.
ნეტავ დაბრუნდებოდეს