“ვილიარეალის” მოუგებელი სერია “კამპ ნოუზე”

კვირას, ლა ლიგის ეგიდით “ბარსელონა” “ვილიარეალს” მიიღებს. “ყვითელ წყალქვეშა ნავს” კატალონიურ გრანდთან, სტუმრად საშინელი სტატისტიკა აქვს.

გასულ სეზონში, ეს შეხვედრა 5-1 დასრულდა, რაც მასპინძელთა ზედიზედ მეშვიდე გამარჯვება იყო ამ მეტოქესთან საშინაო არენაზე, მანამდე კი ზედიზედ ორი ფრე იყო. კიდევ უფრო ადრე კი, 2007-08 სეზონში “ვილიარეალმა” “ბარსა” სტუმრად 2-1 დაამარცხა.

ბოლო შეხვედრა ამ ორ გუნდს შორის დემბელეს გარღვევით დაიწყო, რომელიც ფრანგის დარტყმით დასრულდა, მეკარემ ამ ბურთის მოგერიება მოახერხა, თუმცა შორს ვერა და ამით ფილიპე კოუტინიომ ისარგებლა – მე-10 წუთზე ანგარიში გაიხსნა. პირველ ტაიმში პაულინიომ და მესიმაც შეაგდეს.

ფორნალსის დარტყმის შემდეგ ბურთი სანსონეს მხარს მოხვდა და კარში შევარდა – ასე შეამცირეს სტუმრებმა ანგარიშში სხვაობა და ასე დიდხანს გაგრძელდა, სანამ ბოლო წუთებში დემბელემ დუბლი არ შეასრულა.

ამ მატჩში ერნესტო ვალვერდეს გადახალისებული შემადგენლობა ჰყავდა გამოყვანილი: სილესენი, სემედუ, პიკე (მინა), ვერმალენი, დინი, ბუსკეტსი (რაკიტიჩი), პაულინიო, ინიესტა (ლუის სუარესი), დემბელე, მესი, კოუტინიო.

რაც შეეხება სტუმრებს, მათი სასტარტო ასე გამოიყურებოდა: ასენხო, მარიო, ალვარო, ვიქტორ რუისი, კოშტა, ტრიგეროსი (ხავი ფუეგო), როდრიგო, სამუ კასტილიეხო, ფორნალსი, ჩერიშევი (სანსონე), ბაკა (უნიალი).

რაც შეეხება “ყვითლების” ბოლო გამარჯვებას “კამპ ნოუზე”, ეს 2007-08 წლების სეზონში მოხდა. გამარჯვების გოლი კი საფინალო სასტვენამდე 10 წუთით ადრე იონ დალ ტომასონმა გაიტანა.

საერთო ჯამში, “ვილიარეალს” “ბარსელონას” საშინაო არენაზე 3 გამარჯვება აქვს მოპოვებული. პირველი მათგანი 1998-99 სეზონში მოხდა, ჯიკა კრაიოვეანუს დუბლით და ჟერარდოს გოლით (3-1) და 2000-01 სეზონში ვიქტორის დუბლით 2-0.

საბოლოო სტატისტიკა კი “წყალქვეშა ნავისთვის” საკმაოდ ცუდია – მათ ანგარიშზე 3 მოგება, 4 ფრე და 11 წაგებაა, მათ კარში კატალონიელებმა 45 გოლი გაიტანეს, საპასუხოდ კი მხოლოდ 21 გაუშვეს.