ბრაზილიური “გრემიოს” პრეზიდენტი რომილდო ბოლზან ჟუნიორი ირწმუნება, რომ მისი გუნდის ლიდერი არტური “ბარსელონაში” ზაფხულში არ გადავა.
ოფიციალურად დადასტურებულია, რომ “ბარსელონამ” არტურის 30 მილიონ ევროდ შეძენის უფლება მოიპოვა. კატალონიელებს ამ უფლების 15 ივლისამდე გამოყენება შეუძლიათ. თუმცა, ამ შემთხვევაშიც კი, ახალგაზრდა ნახევარმცველი ესპანეთში სათამაშოდ იანვარში გადავა.
ბოლო დროს ვრცელდებოდა ცნობები, რომელთა თანახმდაც, “ბარსელონა” ცდილობდა “გრემიოსთან” მოლაპარაკებულიყო და არტური ზაფხულში დაემატებინა, თუმცა, როგორც ირკვევა, ეს არ მოხდება.
“არტური “გრემიოში” დეკემბრამდე დარჩება. სხვა ვარიანტი არ არსებობს. კონტრაქტი უკვე ხელმოწერილია. “ბარსელონას” არასდროს გამოუთქვამს სურვილი, არტური ბრაზილიური სეზონის შუაში დაემატებინა. კატალონიელებს მხოლოდ იმის უფლება აქთ, რომ ის იანვარში იყიდონ, მაგრამ თუ ტრანზაქციას 15 ივლისამდე განახორციელებენ.” – ციტირებს ბრაზილიური კლუბის პრეზიდენტის სიტყვებს Sport.




მეც მასე მგონია
ზამთარში მოყვანილი ფეხბურთელის მოყვანას რა აზრი აქ ? სკამზე გაატარებს დარჩენილ სეზონს მთლიანად ან განაცხადს მიღმა, აუტანელია უკვე ამ კლუბის პოლიტიკა