ტურინულმა გაზეთმა Tuttosport-მა დაწერა, რომ ზაფხულში “იუვენტუსს” შესაძლოა დაუბრუნდეს “ბარსელონას” ფორვარდი ზლატან იბრაჰიმოვიჩი. მათი ინფორმაციით “ბლაუგრანას” ხელმძღვანელობა მზადაა დაემშვიდობოს შვედ ფორვარდს, რომელმაც პრიმერა დივიზიონის მიმდინარე სეზონის 28 მატჩში 16 გოლი გაიტანა, აქედან ორი თერთმეტმეტრიანი დარტყმით.
თუკი ტურინელები მართლაც გადაწყვეტენ ზლატანის ყიდვას, მათ დაახლოებით 32 მილიონი ევროს გადახდა მოუწევთ. ამას გარდა, შვედი თავდამსხმელის წლიური ანაზღაურება 9 მილიონ ევროს შეადგენს.
“იუვენტუსში” იბრაჰიმოვიჩი 2004 წლიდან 2006 წლამდე ირიცხებოდა.ამ დროის მანძილზე მან სერია ა-ში 70 მატჩში ჩაატარა და გაიტანა 23 გოლი.
წყარო: Championat.ru
