მთავარ შიგთავსზე გადასვლა
ჩაერთე პროგნოზების ლიგაში და გამოიცანი მატჩების შედეგები! ითამაშე პროგნოზების ლიგა! თამაში
მარლონმა, შესაძლოა, “ბარსას” სატრანსფერო გეგმები შეცვალოს

მარლონმა, შესაძლოა, “ბარსას” სატრანსფერო გეგმები შეცვალოს

“ლას პალმასსა” და “ბარსელონას” შორის კვირას გამართულმა შეხვედრამ, კატალონიურ კლუბს, შესაძლოა, სატრანსფერო გეგმები შეუცვალოს. ამის მიზეზი “ბარსა ბ”-ს ბრაზილიელი ცენტრალური მცველი, მარლონ სანტოსია.

ახალგაზრდა სამხრეთ ამერიკელმა ფეხბურთელმა, ლა ლიგის სადებიუტო შეხვედრაში, კარგი შთაბეჭდილება დატოვა და ლუის ენრიკესა და რობერტ ფერნანდესის ქებაც დაიმსახურა. Sport-ის ცნობით, კლუბში განიხილავენ ვარიანტს, რომლის მიხედვითაც, მარლონი, უახლოესი სატრანსფერო ფანჯრის დროს, “ბარსელონას” პირველი გუნდის პირველი “შენაძენი” გახდება. არაა გამორიცხული, ის პირველ გუნდში უკვე ამ ზაფხულში დაწინაურდეს.

თუ ასე მოხდა, მარლონი პირველი გუნდის 4 ცენტრალური მცველიდან ერთ-ერთი იქნება და ასეთ შემთხვევაში, კატალონიელებს ამ პოზიციაზე ფეხბურთელის ყიდვა აღარ დაჭირდებათ, რაც სხვა პოზიციების გაძლიერებას გააადვილებს.

ითამაშე პროგნოზების ლიგა!

გამოიცანი ბარსელონას მატჩების შედეგები, დააგროვე ქულები და გახდი საუკეთესო პროგნოზისტი.

თამაში