“ბარსელონას” ბრაზილიელი ვარსკვლავი ნეიმარ ჟუნიორი იმედს გამოთქვამს, რომ კატალონიური კლუბი გუნდის ლიდერის, ლიონელ მესის ახალ კონტრაქტზე უკვე მუშაობს.
“ლეოსთან ერთად უკვე მე-4 წელია ვთამაშობ და მისგან ყოველდღიურად სწავლას არ ვწყვეტ. ის მასწავლის, როგორ დავარტყა, როგორ არ დავკარგო კონცენტრაცია თამაშის დროს და ა.შ. მესი სხვა პლანეტიდანაა.
იმედი მაქვს, ის კონტრაქტს გაახანგრძლივებს და ასევე იმის, რომ ხელმძღვანელობა ამ საკითხზე უკვე მუშაობს.” – ციტირებს ნეიმარის სიტყვებს beIN Sports.


