19 წლის დანიელმა მცველმა კატალონიელთა ყურადღება მიიპყრო.
როგორც ცნობილია, “ბარსელონა” ანდრეას კრისტენსენის გადაბირებით სერიოზულად არის დაინტერესებული. El Mundo Deportivo-ს თანახმად, უკვე დიდი ხანია, სკაუტები მის თამაშს აკვირდებიან და ხელმძღვანელობას მასზე დადებითი რეკომენდაციაც გაუწიეს.
ერთადერთი პრობლემა ის არის, რომ ამჟამად კრისტენსენი მიონხენგლადბახის “ბორუსიას” ღირსებას იჯარის წესით იცავს, მისი ხელშეკრულება კი ლონდონის “ჩელსის” ეკუთვნის.
გავრცელებული ინფორმაციით, ბოლო პერიოდში “ბარსელონას” სკაუტებს გერმანიის ჩემპიონატის მატჩებზე აფიქსირებენ, რომლებიც დაკვირვებას შემდეგ ფეხბურთელებზე აწარმოებენ:
ჟულიან ვეიგლი, ილკაი გიუნდოგანი, მარკო როისი, ჰენრიხ მხითარიანი, პიერ-ემერიკ ობამეიანგი (ხუთივე – დორტმუნდის “ბორუსიადან”); დავიდ ალაბა (“ბაიერნიდან”), ლეროი სანე, მაქს მაიერი (ორივე – “შალკედან”), იულიან დრაქსლერი, რიკარდო როდრიგესი (ორივე – “ვოლფსბურგიდან”), ჰაკან ჩალჰანოღლუ (ლევერკუზენის “ბაიერიდან”) და გრანიტ ჯაკა (მიონხენგლადბახის “ბორუსიადან”).
