ლა ლიგის XXVI ტურში “ბარსელონამ” საკუთარ მოედანზე “რაიო ვალიეკანო” გაანადგურა (6:1), “ბლაუგრანას” ლიდერმა, ლიონელ მესიმ აქტივში კიდევ ერთი მიღწევა ჩაიწერა.
ამჯერად არგენტინელს “ბარსელონას” მაისურით ყველა ტურნირზე 32 ჰეთ-ტრიკი აქვს შესრულებული. ეს საუკეთესო მაჩვეებელია იმ ფეხბურთელებს შორის, რომლებსაც ესპანურ კლუბებში უთამაშიათ.
მესიმ უკვე ჩამოიტოვა ტელმო სარა (“ატლეტიკი”) – 31 ჰეთ-ტრიკი, ალფრედო დი სტეფანო (“რეალი”) – 28 ჰეთ-ტრიკი. შეგახსენებთ, რომ ამჟამად მოქმედ ფეხბურთელებს შორის მესისთან ყველაზე ახლოს კრიშტიანუ რონალდუა, რომელსაც “რეალში” 27 ჰეთ-ტრიკი აქვს შესრულებული.
