ჟოან გარსიას სეზონის სტარტი ძალიან მშვიდი, შესაძლოა ზედმეტად მშვიდიც კი გამოუვიდა. ლა ლიგის განვლილ ორ ტურში კატალონიელთა კარის დარაჯს მხოლოდ ერთი რეალური სეივის შესრულება დასჭირდა – “ელჩეს” არგენტინელი შემტევის, ფაკუნდო ბუონანოტეს დარტყმის შემდეგ. ისიც საეჭვოა, რადგან ბურთი კარში რომც შესულიყო, ეპიზოდი VAR-ზე თამაშგარე მდგომარეობის გამო გაუქმდებოდა.
ამ ეპიზოდის გარდა, გარსიას სერიოზული ჩარევა არ დასჭირვებია, თუმცა იღბალიც მის მხარეს იყო, რადგან ორჯერ ძელი დაეხმარა: პირველად იგივე ბუონანოტეს დარტყმისას, ხოლო მეორედ – ხუთშაბათს, “ატლეტიკთან” მატჩში სანსეტის ეპიზოდში.
გზა “სამორას” ტიტულის შენარჩუნებისკენ
ამ ტემპით ჟოან გარსია “სამორას” ტიტულის მარტივად შენარჩუნებისკენ მიდის. შექმნილი ვითარება ძალიან ჰგავს უნაი სიმონის ისტორიას მსოფლიო ჩემპიონატზე: ბასკი ტურნირის საუკეთესო მეკარე გახდა, მიუხედავად იმისა, რომ მთელ მუნდიალზე მხოლოდ 5 სეივის შესრულება მოუწია, არგენტინასთან ფინალში კი მის კარში ზუსტად საერთოდ არ დაურტყამთ.
ზუსტად იგივე მოხდა მეორე ტურში ჟოან გარსიას შემთხვევაშიც – “ატლეტიკის” წინააღმდეგ ის პრაქტიკულად უსაქმოდ იყო და მთელი მატჩის განმავლობაში გამოსარჩევი მოქმედება არ ჰქონია.
ფლიკის აუღებელი ციხესიმაგრე
კარში არსებული ამ სიმშვიდის მთავარი მიზეზი ჰანსი ფლიკის მიერ შექმნილი საიმედო დაცვაა, სადაც პაუ კუბარსი ნამდვილი ლიდერია, ჟერარ მარტინი კი – მისი დაუღალავი მეწყვილე. ამასთან, მეტოქეებისთვის ნამდვილ თავისტკივილად იქცნენ ფლანგის მცველები: მარჯვნივ ერიკ გარსიას, ხოლო მარცხნივ ჩავი ესპარტის საიმედო და თავდადებული თამაში ბევრისთვის სასიამოვნო მოულოდნელობად იქცა.
forum კომენტარები (0)