ექტორ ფორტი “ბარსელონას” კიდევ ერთი მოთამაშეა, რომელმაც ზაფხულის სატრანსფერო ფანჯრის ამ დასკვნით ეტაპზე კლუბი უნდა დატოვოს. ბარსელონელი მცველი უკვე რამდენიმე კვირაა გუნდისგან განცალკევებით ვარჯიშობს და ჰანსი ფლიკის გეგმებში არ შედის, რის გამოც ისეთ გუნდს ეძებს, სადაც საკუთარი პოტენციალის წარმოჩენას შეძლებს.
გერმანული და ესპანური ვარიანტები
Mundo Deportivo აცხადებს, რომ ამჟამად მცველის ტრანსფერის განსახორციელებლად საუკეთესო პოზიციაზე “ბორუსია დორტმუნდია”. ფეხბურთელი ბუნდესლიგაში გადასვლას დადებითად უყურებს და გერმანიაში გარიგებას თითქმის დახურულად მიიჩნევდნენ, თუმცა ფორტს ესპანეთშიც გამოუჩნდა მსურველები. ჟურნალისტმა მატეო მორეტომ რამდენიმე დღის წინ “რეალ სოსიედადის” ინტერესის შესახებ ისაუბრა, ორშაბათს კი დასძინა, რომ ბასკური კლუბი ტრანსფერის დასასრულებლად შესაბამის ფორმულას ეძებს.
სატრანსფერო ღირებულება და პირობები
“ბარსელონა” ექტორ ფორტს 15-დან 20 მილიონ ევრომდე აფასებს. თუმცა, ეს თანხა შესაძლოა შემცირდეს იმ შემთხვევაში, თუ კულეები ფეხბურთელზე უფლებების ნახევარს ან მომავალში მისი გამოსყიდვის უფლებას დაიტოვებენ. “რეალ სოსიედადში” ვარიანტებს სწრაფად განიხილავენ, თუმცა კარგად აცნობიერებენ, რომ “ბორუსია დორტმუნდის” სახით სერიოზული კონკურენტი ჰყავთ.
სადმე გაუშვან იჯარით შეხედონ ერთი სეზონი იქნებ ნორმალური სკამის კაცი დადგეს.
იყო უკვე ელჩეში წინა წელს და დაფრინავდა, ამ პრესეზონზე მე რაც ვნახე, ძალიან მომეწონა და მართლა კარგი პოტენციალი აქვს.
ეტყობა ესპარტსა და ამას შორის არჩევნის გაკეთება მოუხდათ და ესპარტმა გადაწონა.
ჩემი აზრით ან იჯარით ან სამომავლო გაყიდვიდან დიდი წილის შენარჩუნებით უნდა გაუშვან, რადგან ხელწამოსაკრავი ბიჭი არ არის.
20მს აღება უნდათო და ვფიქრობ ახლა 10 რომ აიღონ და 50% წილი რომ შეინარჩუნონ, მომავალში 20ზე მეტი თავისუფლად გამოუვათ.