მარკ კასადო უკვე რამდენიმე კვირაა გუნდისგან განცალკევებით ვარჯიშობს და საკუთარი მომავლის გარკვევას ელოდება. 22 წლის ნახევარმცველი ჰანსი ფლიკის გეგმებში არ შედის, ამიტომ მისი აგენტი, ჟორჟე მენდეში კულესთვის ახალი გუნდის მოძებნაზე აქტიურად მუშაობს.
პრემიერ ლიგის ინტერესი და “სანდერლენდის” ფაქტორი
მიუხედავად საუდის არაბეთიდან მიღებული ფინანსურად მიმზიდველი შეთავაზებებისა, ესპანელს კარიერის ევროპულ ფეხბურთში გაგრძელება ურჩევნია. ბოლო ინფორმაციით, მისი დამატებით პრემიერ ლიგის არაერთი კლუბია დაინტერესებული.
თავდაპირველად “ნოტინგემ ფორესტის” ვარიანტი აქტიურად განიხილებოდა, თუმცა გამოცემა The Guardian-ის ცნობით, ფეხბურთელისთვის ბრძოლაში “სანდერლენდი” სერიოზულად ჩაერთო და ტრანსფერზე მოლაპარაკებებს უკვე მართავს. სხვა დაინტერესებულ კლუბებს შორის “ასტონ ვილა”, “ნიუკასლი” და “ბრაიტონი” სახელდებიან.
ნომრის გარეშე დარჩენა და მოსალოდნელი შემოსავალი
აღსანიშნავია, რომ კასადო “ბარსელონაში” მაისურის ნომრის გარეშე დარჩა – მისი 17-ნომრიანი მაისური ახალწვეულ ენტონი გორდონს გადაეცა, რაც იმაზე მიუთითებს, რომ მისი წასვლა მხოლოდ დროის საკითხია. ინგლისში გადასვლით ის მაღალი დონის ჩემპიონატში თამაშის გაგრძელებას შეძლებს.
ნახევარმცველის სატრანსფერო ღირებულება 30-დან 40 მილიონ ევრომდე მერყეობს. ეს საკმაოდ სოლიდური თანხაა, რომელიც “ბარსელონას” სხვა ტრანსფერების განხორციელებასა და სეზონისთვის შემადგენლობის საბოლოოდ ფორმირებაში დაეხმარება.
კასადოში 40 მილიონი იდეალური იქნებოდა. არსენალს ვიოკერეშზე უნდა დაეჩალიჩონ და თუ გამოვა მერე უკვე ლიგაზე გავიწევთ
იჯარით გაუშვან წესიერ კლუბში და მერე მოგვაკითხავენ კარგი მაყუთებით.
არაა კასადო ვიღაცა *ლე და ხელწამოსაკრავი ფეხბურთელი.
მაგას ჩემი აზრით მენტალური დისკომფორტი დაემართა მაშინ როცა დეიონგი დაბრუნდა და სახელის გამო ანაცვალეს თორე ეგ ისეთ run-ზე იყო რომ ლამის პედრის უტოლდებოდა გავლენაში. კარგად მახსოვს რეალი და ბაიერნი როგორ წამოიცვა, იმ სეზონში ჩამშლელად ტოპ 3 იყო, საოცარ ვარდნებს აკეთებდა, თავდაუზოგავად იბრძოდა, საოცარ ხაზებს შორის პასებს აკეთებდა, უდიდესი როლი ჰქონდა და უცებ დეიონგის გამო ჩამოამსხვრიეს.
თავისი თავი და დაფასება თუ იპოვა, კასადოს შეუძლია რომ მსოფლიოში ერთ-ერთი საუკეთესო ნახევარმცველი დადგეს, რადგან ძალიან მრავალმხრივია, დაცვაც შეუძლია, ცენტრის დაჭერაც, ჩაშლაც და შეტევაც. იდეალური 8იანი დადგებოდა ამისგან, უბრალოდ ისეთი პროექტი ჭირდება სადაც დაფასებასა და სტაბილურობას იგრძნობს, დაეყრდნობიან და საშუალებას მისცემენ რომ ბევრი ითამაშოს.
დადონ 40 არ უჭირთ არაფერი ვინც კი ფეხს გაიქნევს 60-70 მილიონს იხდიან ინგლისში და კასადოში როგორ უნდა დაენანოთ ფული.
კი მაგრამ სულ ასე რატომ ხდება, რომ 3 თვე ფიქრობენ(ალბათ) და სატრანსფერო ფანჯრის ბოლო დღეებში და ხანდახან საათებში უნდათ საქმის გაკეთება. ისე თუ არ ვცდები ერთხელ მართლაც წუთების გამო ვიღაც ვეღარ ვიყიდეთ თუ გავყიდეთ.