ინგლისური შეკრებისთვის ბარსელონას განაცხადი ცნობილია

“ბარსელონა” ინგლისში გაემგზავრა, სადაც 3 აგვისტოს ჩათვლით “სენტ ჯორჯს პარკის” ბაზაზე წინასასეზონო შეკრებას გაივლის. კატალონიელთა მთავარმა მწვრთნელმა, ჰანსი ფლიკმა ინგლისურ ტურნეზე 31 მოთამაშეს უხმო.

მთავარი სიახლე მარკ-ანდრე ტერ შტეგენის სიაში ყოფნაა. მეკარეს “აიაქსში” იჯარა ჯერ კიდევ არ დაუხურავს, ამიტომ ის დანარჩენ თანაგუნდელებთან ერთად იმოგზაურებს. გამოძახებულთა შორის არიან ფერმინ ლოპესი და რონალდ არაუხოც, რომლებიც ტრავმების შემდეგ ექიმების ნებართვას ელიან.

რაც შეეხება რაფინიას, ის გუნდს ოთხშაბათს, 29 ივლისს შეუერთდება. მსოფლიო ჩემპიონატზე ნამყოფი ფეხბურთელების დიდი ნაწილის არყოფნის გამო, ფლიკმა შეკრების შესავსებად სარეზერვო და ახალგაზრდული გუნდებიდან არაერთი ახალგაზრდა მოთამაშე გამოიძახა.

დე იონგი გუნდთან ერთად მიემგზავრება

ორშაბათს “ჟოან გამპერის” ბაზაზე იმყოფებოდა ფრენკი დე იონგიც. ის გუნდთან ერთად შეკრებაზე გაემგზავრა, რათა მარჯვენა მუხლის ტრავმის კონსერვატიული მკურნალობა გააგრძელოს. ნიდერლანდელმა მსოფლიო ჩემპიონატზე შიდა გვერდითი იოგი გაიგლიჯა და ახლა დაკვირვების ქვეშ იმყოფება, რათა გაირკვეს, დასჭირდება თუ არა ოპერაცია.

ვინაიდან კლუბის სარეაბილიტაციო პერსონალი შეკრებაზე მიემგზავრება, დე იონგიც ამ დღეებს ინგლისში გაატარებს.

ფლიკის მიერ შერჩეული 31 ფეხბურთელი

• მეკარეები: მარკ-ანდრე ტერ შტეგენი, ვოიცეხ შჩესნი, არონ იააკობიშვილი, იკერ როდრიგესი.
• მცველები: ალეხანდრო ბალდე, რონალდ არაუხო, ჟერარ მარტინი, ანდრეას კრისტენსენი, ექტორ ფორტი, ჩავი ესპარტი, ალვარო კორტესი, ჟოფრე ტორენტსი, ჟორდი პესკერი.
• ნახევარმცველები: ფერმინ ლოპესი, მარკ კასადო, მარკ ბერნალი, ტომი მარკესი, გილე ფერნანდესი, ბრიან ფარინიასი, იბრაჰიმ დიარა, ორიან გორენი, ფრენკი დე იონგი.
• თავდამსხმელები: კარიმ ადეიემი, რუნი ბარდჯი, ჰამზა აბდელკარიმი, ოსკარ გისტაუ, ებრიმა ტუნკარა, ტონი ფერნანდესი, ალექს გონსალესი, შეინ კლუივერტი, რაფინია (29 ივლისიდან).