არონ იააკობიშვილის დებიუტი ბარსელონაში

ბარსელონამ პრესეზონის მეორე ამხანაგური მატჩი გამართა და სენტ ენდრიუსზე ადგილობრივ ბირმინგემ სიტის დაუპირისპირდა. 90 წუთი ფრედ, 2-2 დასრულდა, პენალტების სერიაში კი ბარსამ 2-3 წააგო.

აღსანიშნავია, რომ ამ შეხვედრაში 20 წლის არონ იააკობიშვილის არაოფიციალური დებიუტი შედგა. ის მოედანზე 62-ე წუთზე გავიდა და 1 გოლი გაუშვა, მაგრამ შემდეგ, პენალტების სერიაში 2 თერთმეტმეტრიანი მოიგერია.

დაახლოებით 2 თვის წინ მისი პირველი მატჩი უნგრეთის ნაკრებშიც ჩაატარა (ფინეთთან 2-1 მოგებულ ამხანაგურ შეხვედრაში) და ამ ქვეყნის ეროვნული გუნდის ისტორიაში ყველაზე ახალგაზრდა მეკარე გახდა.

არონი უნგრეთში დაიბადა, მისი დედაც უნგრელია, მამა კი – ქართველი ებრაელი. ეს უკანასკნელი სწორედ საქართველოშია დაბადებული.

იააკობიშვილი ბარსელონას საკუთრებაა და კლუბთან კონტრაქტი 2028 წლის 30 ივნისამდე აკავშირებს. მას ბარსა ატლეტიკში 3 მატჩი აქვს ჩატარებული, 19-წლამდელთა გუნდში კი, UEFA-ს ახალგაზრდულ ლიგაზე 13 შეხვედრაში მიიღო მონაწილეობა. ახალგაზრდა გოლკიპერმა 2025-26 წლების სეზონი იჯარით ანდორაში გაატარა. გავრცელებული ცნობებით, ჰანსი ფლიკი მასში დიდ პოტენციალს ხედავს, თუმცა, ჯერჯეროით, უცნობია, ის კატალონიურ გრანდში დარჩება თუ კვლავ გაანათხოვრებენ.

არონ იააკობიშვილს ძმაც ჰყავს – ანტალ იააკობიშვილი, რომელიც ამპლუით ცენტრალური მცველია, ჟირონას საკუთრებაა. იგი გასულ სეზონში ტენერიფეში იყო განათხოვრებული. უნდა აღინიშნოს, რომ ანტალი საქართველოს ნაკრებში თამაშსაც განხილიავდა, თუმცა, საბოლოოდ, ისიც უნგრეთის ნაკრებში გამოიძახეს.