“ბარსელონამ” და “დორტმუნდის ბორუსიამ” ფორვარდ კარიმ ადეიემის ტრანსფერზე საბოლოო შეთანხმებას მიაღწიეს. გერმანელმა ფეხბურთელმა კატალონიურ კლუბთან კონტრაქტი 2031 წლამდე გააფორმა. ინფორმაცია ამის შესახებ “ბლაუგრანამ” ოფიციალურად დაადასტურა.
გავრცელებული ინფორმაციით, “ბარსელონა” გერმანულ კლუბს 22 მილიონ ევროს გადაუხდის, რასაც შესაძლოა 7 მილიონის ბონუსები დაემატოს.
შემტევი მრავალმხრივობა
2002 წლის 18 იანვარს მიუნხენში (ნიგერიელი მამისა და რუმინელი დედის ოჯახში) დაბადებულ ადეიემის “ბარსელონას” შემადგენლობაში საინტერესო და მრავალმხრივი შემტევი პროფილი მოაქვს. კარიერის განმავლობაში მან დაამტკიცა, რომ შეუძლია ითამაშოს როგორც ორივე ფლანგზე, ისე ცენტრფორვარდის პოზიციაზე. ეს ყველაფერი კი მის დიდ სისწრაფესა და ძლიერ მარცხენა ფეხს იდეალურად ერწყმის.
ფლიკთან ხელახალი შეხვედრა
ეს თვისებები მას კიდევ ერთ ღირებულ ვარიანტად აქცევს ჰანსი ფლიკისთვის, რომელიც ფეხბურთელს ძალიან კარგად იცნობს. როდესაც ადეიემი “ზალცბურგში” ირიცხებოდა (მისი პირველი პროფესიონალური კლუბი “ფორსტენრიდის”, “ბაიერნისა” და “უნტერხახინგის” ახალგაზრდული გუნდების შემდეგ), “ბარსელონას” ამჟამინდელმა მწვრთნელმა მას გერმანიის ეროვნულ ნაკრებში სადებიუტო მატჩის ჩატარების შესაძლებლობა მისცა.
უმაღლესი დონის გამოცდილება
ეს თითქმის ხუთი წლის წინ მოხდა და ახლა ისინი ერთმანეთს სრულიად განსხვავებულ ვითარებაში ხვდებიან. ამასობაში, ადეიემიმ ბოლო ოთხი სეზონი დორტმუნდის “ბორუსიაში” გაატარა, სადაც მან ბუნდესლიგასა და ჩემპიონთა ლიგაზე თავი უმაღლეს დონეზე წარმოაჩინა. ევროპის ყველაზე პრესტიჟულ ტურნირზე მას ჯამში 48 მატჩი აქვს ჩატარებული (37 გერმანული კლუბის, ხოლო 11 – “ზალცბურგის” რიგებში). ამ მატჩებიდან ორი გასულ სეზონში სწორედ “ბარსელონას” წინააღმდეგ გაიმართა.
ამბიციური მიზნები
ფლიკთან კვლავ გაერთიანების შემდეგ, ადეიემი გადმოდის კლუბში, სადაც ყოველდღიურად განვითარება და გაუმჯობესება შეეძლება. ის “ბარსელონას” საკუთარი შესაძლებლობების დამტკიცების დიდი სურვილით უერთდება და მზადაა, გუნდს მიზნების მიღწევაში დაეხმაროს.
მიუხედავად იმისა, რომ გერმანიის ნაკრების მსოფლიო ჩემპიონატის შესარჩევ ციკლში მან მნიშვნელოვანი როლი ითამაშა, ფინალური ტურნირის განაცხადში ვერ მოხვდა. ზაფხულში ენერგიის აღდგენისა და სრულფასოვანი წინასასეზონო მზადების მოლოდინში, კარიმ ადეიემი უკვე ოფიციალურად “ბლაუგრანას” ფეხბურთელია.
პირველივე წელიწადში სასწაულებს დადებს თქო ეგ ნამდვილად არ ვიცი მაგრამ ძალიან მაგარ ფეხბურთს რომ ითამაშებს ბარსელონაში მაგაში დარწმუნებული ვარ
შესანიშნავი ტრანსფერია რავი.
ამ ფასად ნამდვილად კარგია! წარმატება!!
იუთუბზე ბარსას ჰქონდა გადაცემა ახლახანს და ერთ მომენტში აჩვენეს ამისი პერფორმანსი ჩვენს წინააღმდეგ 24-25ში და გამახსენდა რეალურად რამდენად კარგი ფეხბურთელია და როგორ აიკლო მარცხენა ფლანგი 24-25ის სასწაული კუნდეიანად.
წლებია უკვე მაღალ დოენეზეა, თან ჯერ 24ისაა და პრაიმში ახლა შედის. მე მგონია რომ სტილისტიკურად იმენა ბარსასთვის ზედ გამოჭრილი ფეხბურთელია და აქვს სერიოზული პოტენციალი რომ ძირითადის მარცხენა ვინგერიც გახდეს 1-2 წელში.
მოკლედ ძალიან მაგარი შენაძენია.
1,8-ია და მგონია, რომ გააფორვარდებს ჰანსი, მოძრავ, სიღრმიდან ამკლებ ფორვარდად აქცევს, რომელიც ფლანგებზეც ისეირნებს
ვნახოთ, ვნახოთ. მე პირადად გორდონი უფრო მომწონს ცენტრიდან ოღონდ 10ზე, ხოლო ადეიემი სუფთა ვინგერია.
რიავიცი.. ამათ თავში რა გადატრიალდება რიავიცით.. ფაქტია 3 მარცხენა ვინგერი გვყავს გუნდში და აქედან ერთ-ერთს სხვაგან გამოიყენებენ.. მე დაჟე მგონია რომ მარცხენა ვინგერებად რაფინია-ადეიემი დადგებიან, ტორესს წასვლა უნდაო და გორდონით შეცვლიან, ხოლო ტორესის ფულს რამეს დაამატებენ და ალვარესს მოიყვანენ. მარჯვნივ კი იამალი-ტუნკარა იდგებიან.
რაღაცა არაორდინალური ჩაიფიქრა, ასე მგონია; მოწინააღმდეგე რომ ვერ მიხვდება რომელ შემტევს სად უფრთხილდე, დააყენებს გორდონს – დაცვისთვის ვაი იქნება და მის მაგივრად ადეიემი დადგება – ვუი, ალვარეს ინატრებენ და მერე მთლად უარესი;
ლამინეს როდის მოუნდება გოლების გატანა და მუღამზე მოვა, ადგილს გაუცვლის და ასე პოზიციების ცვლა და შედეგის დადება არის მოწინააღმდეგის მწვრთნელებისთვის დიდი თავსატეხი, რომ არ იცი საიდან გადაგახევენ ბურთს თავზე, მოემზადები ერთისთვის და დაგხვდება სხვა
ხო რა თქმა უნდა, ფლიკი იცნობს და მოითხოვა, ესე იგი ნამდვილად კარგი შენაძენია.
მშვენიერი. ბარდჯი გაუშვან იჯარით ან გაყიდონ 20-25 ში და ეხლა 9 მოიყვანონ, შეტევაში რაფას წასვლამდე კაცი აღარ დაგვჭირდება.მცვეეელიი და ნორმალური საყრდენი,კანსელო და გუნდი ვერ დაგვიდგება
რას ლაპარაკობ, რას ქვია გუნდი ვერ დაგვიდგება 😁😁 რეალი ნახე რეებს იზავს 💙❤️
რაფას წასვლა ან ახლა იქნება ან ძალიან მალე, ფაქტია 2 მარცხენა ვინგერი უკვე მოიყვანეს.
ნუ რომც წავიდეს და ფული გააკეთონ ალბათ უკეთესი ბიზნესი იქნება, რადგან მომდევნო წელიც თუ ამ წლის მსგავსი გამოუვიდა და ნახევარი სეზონი ჩააგდო, მერე ფასიც გაუნახევრდება მაშინ როცა ახლა 100მს გაკეთება შეგვიძლია და თავადაც ფინანსური პრობლემები ჰქონია ოჯახში. ბიძა ფულს პარავდაო და იმაზე საგრძნობლად დაბალი თანხა აღმოაჩნდა კუთვნილებაში ვიდრე ეგონაო.
თან მე მაგალითად ტუნკარას ამოსვლას უკვე 2 წელია რაც ვწურავ და ეგ ბავშვი დაჯდებოდა იამალის სკამად, რო რამე მაქეთ თამაში გორდონი-ადეიემისაც შეუძლია, მარა ასე მგონია რო გაქაჩავდა, რადან ჩემი აზრით იამალზე ნაკლები ტალანტი არაა და ფიზიკა კიდევ უკეთესი აქვს, ახლა ფლიკს ყავს პრესეზონზე და ვნახოთ რა დასკვნებს გააკეთებს. მე პირადად მაგ ბიჭს ახლავე ვხედავ პირველ გუნდში. მარა რაც ფერნანდესთან მოუვიდათ ის არ უნდა დაემართოთ და კონტრაქტი უნდა გაუფრომონ მილიარდიანი გამოსასყიდით თორე ყველა გრანდი მაგ ბიჭზეა ჩასაფრებული. აგერ სადაც 18 წლის დიომანდე იყიდება 100+ში, ამ სეზონის მერე 17 წლის ტუნკარას თანხა შეიძლება უფრო მეტიც გახდეს. მართლა ანომალია ბავშვია. იმენა მონსტრია და თავისი ასაკისთვის წარმოუდგენელი აღნაგობისა და ნიჭის პატრონი. ტიპი ახლა ახალგაზრდულების მსოფლიოზე გამოდიოდა თავისზე 2 წლით დიდებში და ისე თამაშობდა ვითომც 5-10 წლის ბავშვებს ეთამაშებოდა ეზოში. აქამდე რა ვიდეოებიც მაქვს ნანახი ყოველთვის ეგეთი იყო, აი წლებით უსწრებს სხვა ყველა ბავშვს. მართლა გეგონება ასაკი აქვს გადაკეთებული და ერთი 7 წელი მაინც ექნება მოკლებულიო😂😂