მარკ კასადომ ბარსელონას დატოვება გადაწყვიტა

Diario Sport-ის და ფაბრიციო რომანოს მიერ გავრცელებული ინფორმაციით, მარკ კასადომ ამ ზაფხულს “ბარსელონას” დატოვების გადაწყვეტილება მიიღო.

საკუთარ მომავალზე ფიქრის შემდეგ, ნახევარმცველი მიხვდა, რომ კლუბში მისი ეტაპი დასრულდა. კასადოს რეგულარული სათამაშო დროის მიღება, კვლავ მნიშვნელოვან ფიგურად ყოფნა და ისეთი პროექტის არჩევა სურს, სადაც მთავარი მწვრთნელი მას ბოლომდე ენდობა.

22 წლის საყრდენი “ბარსელონას” სკოლის აღზრდილია. პირველ გუნდში ის გასულ სეზონში დაწინაურდა და ჩატარებულ 75 თამაშში 1 გოლის გატანა და 7 შედეგიანი გადაცემის გაკეთება მოახერხა.