“ბარსელონამ” “რეალის” რეკორდი გააუმჯობესა

როგორც მოგეხსენებათ გუშინ “ბარსელონამ” დაამარცხა “სევილია” და მოიპოვა ესპანეთის სუპერთასი. პირველ შეხვედრაში სევილიელებმა 3:1 იმარჯვეს, თუმცა კატალონიელებმა საკუთარ მოედანზე ბრწყინვალედ იასპარეზეს და 4:0 გაანადგურეს მოწინააღმდეგე. მათ ქვეყნის სუპერთასი ცხრაჯერ აქვთ მოპოვებული. აქამდე ყველაზე მეტჯერ ეს ტიტული მადრიდის “რეალს” ჰქონდა მოგებული. მათ რვაჯერ მოახერხეს ამის გაკეთება. ასევე საინტერესო ფაქტია ისიც, რომ გუშინ ლიონელ მესიმ თავისი მეშვიდე ჰეთ–თრიკი შეასრულა, როგორც “ბლაუგრანას” ფეხბურთელმა. ასევე კამპ–ნოუზე დავიდ ვილამ პირველი ოფიციალური მატჩი გამართა. პირველივე თამაშში თასის აღება ბრწყინვალე შედეგია.