“ბარსელონას” პირველ გუნდში თითქმის ყოველ წელს ფილიალიდან მოთამაშეებს აწინაურებენ, გასულ სეზონში “ბარსა ბ” დატოვეს მარკ ბარტრამ, მარკ მუნიესამ (ტრავმის შემდეგ “ბარსა ბ”-ში დაბრუნდა), ანდრეუ ფონტასმა (არენდით “მალიორკაში” იმყოფება), მარტინ მონტოიამ და ჯონათან დოს სანტოსმა.
მომავალ სეზონში პირველ გუნდში ორი ნახევარმცველი, სერხი რობერტო და რაფაელ ალკანტარა დაწინაურდებიან. ეს ავტომატურად მოხდება, რადგან მათ კონტრაქტებში ჩადებული პუნქტი ითვალისწინებს 2013/14 სეზონში პირველ გუნდში გადაყვანას.



