დღეს ოფიციალურად იმ ათი ფეხბურთელის სია გახდა ცნობილი, რომლებიც 2012 წლის აფრიკის საუკეთესო ფეხბურთელის წოდებაზე არიან ნომინირებული. იტყობინება L’Equipe.
ამ სიაში შევიდნენ: ჟერვინიო (“არსენალი”, კოტ-დიუარი), დიდიე დროგბა (“შანჰაი შენჰუა”, კოტ-დიუარი), ჯონ ობი მიკელი (“ჩელსი”, ნიგერია), პიერ-ემერიკ ობემეიანგი (“სენტ-ეტიენი”, გაბონი), იაია ტურე (“მანჩესტერ სიტი”, კოტ-დიუარი), იუნეს ბელჰანდა (“მონპელიე”, მაროკო), ალექსანდრ სონგი (“ბარსელონა”, კამერუნი), ანდრე აიუ (“მარსელი”, განა), კატონგო (ზამბია), დემბა ბა (“ნიუკასლი”, სენეგალი).
დაჯილდოების ცერემონია 20 დეკემბერს, განის დედაქალაქ – აკრეში გაიმართება.
აქვე შეგახსენებთ, რომ წინა წელს ჯილდო იაია ტურეს ხვდა წილად.
