გუშინ, ესპანეთის ჩემპიონატის 30-ე ტურის მატჩში, “ბარსელონამ” და “ვილიარეალმა” დრამატული შეხვედრა შემოგვთავაზეს და 4:4 ითამაშეს.
ეს 21-ე საუკუნეში ამ გუნდების პირველი დაპირისპირება არ იყო, რომელიც 4:4 დასრულდა. 18 წლის წინ, 2001 წლის აპრილში, “ბარსელონა” “ყვითელ წყალქვეშა” ნავს ამ ანგარიშით ასევე სტუმრად დაუზავდა.
2001 წლის 8 აპრილს “ბარსელონას” შემადგენლობა ასეთი იყო: რეინა, რაიციგერი, ფრანკ დე ბური, სრეხი ბარხუანი, კოკუ, გვარდიოლა, გაბრი, ოვერმარსი, რივალდო, ლუის ენრიკე, კლუივერტი. შეცვლაზე პუიოლი, სიმაო და დე ლა პენია შემოვიდნენ.
მატჩის მე-20 წუთზე “ბარსა” უკვე 0:3 აგებდა. გოლები ვიქტორმა (2) და “ვილიარეალის” ამჟამინდელმა მწრთნელმა, კალიეხამ გაიტანეს.
38-ე და 54-ე წუთებზე პატრიკ კლუივერტმა დუბლი გაიფორმა, ხოლო მე-60 წუთზე რივალდომ ანგარიში გაათანაბრა.
5 წუთში, ხორხე ლოპესმა წინ კვლავ მასპინძლები გაიყვანა, მაგრამ 93-ე წუთზე კლუივერტმა ჰეთ თრიქი შეასრულა და მატჩი ფრედ დასრულდა.
საინტერესოა, რომ ლა ლიგის მომდევნო ტურში, “სარაგოსასთან” “კამპ ნოუზე” გამართულ მატჩში, “ბარსამ” ისევ 4:4 ითამაშა.
დხეს აშკარად უკეთესი გუნდი გვყავს
93-ე წუთი ვილიარეალისთვის კოშმარია :დდდ
ატლეტიკოსთან დაასვენოს ისევ მესი, არ მინდა რო წელსაც მეოთხედ ფინალში წავაგოთ, გადაახალისოს გუნდი გვაქვს რესურსი საკმაოდ და ცოტა ტვინის გატოკება ჭირდება ვალოდიას.