ერთი დღე “ბარსას” ისტორიაში – 19 ნოემბერი

წარმოგიდგენთ რუბრიკას “ერთი დღე “ბარსელონას” ისტორიაში”. ამჯერად შემოგთავაზებთ “ბარსელონასთან “დაკავშირებულ მოვლენებს, რომლებიც 19 ნოემბერს მოხდა.

თამაშები

19 ნოემბერს “ბარსელონამ” 13 ოფიციალური თამაში ჩაატარა, საიდანაც კატალონიელებმა 9 მოიგეს, 2 ფრედ დაასრულეს და 2 წააგეს.

1965 წელი

დაიბადა “ბარსელონას” ყოფილი ფრანგი მცველი ლორან ბლანი. 1996/97 წლების სეზონში მან “ბლაუგრანას” მაისურით 40 თამაში ჩაატარა და 1 გოლი გაიტანა. ბლანმა კატალონიურ გუნდში 1 თასების მფლობელთა თასი, 1 ესპანეთის თასი და 1 ესპანეთის სუპერ თასი მოიგო.

2005 წელი

“ბარსელონამ” “რეალ მადრიდი” “სანტიაგო ბერნაბეუზე” 3-0 გაანადგურა. 2 გოლი რონალდინიომ გაიტანა, რომელიც მადრიდელმა გულშემატკივრებმა მოედნიდან აპლოდისმენტებით გააცილეს, ერთხელ კი თავი სამუელ ეტო’ომ გამოიჩინა.