ერთი დღე “ბარსას” ისტორიაში – 7 ნოემბერი

წარმოგიდგენთ რუბრიკას “ერთი დღე “ბარსელონას” ისტორიაში”. ამჯერად შემოგთავაზებთ “ბარსელონასთან “დაკავშირებულ მოვლენებს, რომლებიც 7 ნოემბერს მოხდა.

თამაშები

7 ნოემბერს “ბარსელონამ” 17 ოფიციალური თამაში ჩაატარა, საიდანაც კატალონიელებმა 11 მოიგეს და 6 წააგეს.

1943 წელი

ლა ლიგის საშინაო შეხვედრაში “ბარსელონამ” “გრანადა” 7-2 გაანადგურა. მასპინძელთაგან გოლები მარტინმა (4), რიბამ (2) და სესარმა გაიტანეს.

1954 წელი

ლა ლიგის საშინაო შეხვედრაში “ბარსელონამ” “რასინგი” 7-0 გაანადგურა. გოლები მორენომ (2), მანჩონმა, ვილიავერდემ, კუბალამ, გონსალვო III-მ და ტეხადამ გაიტანეს.

1982 წელი

რომის პაპმა, ივანე პავლე მეორემ “კამპ ნოუზე” წირვა ჩაატარა. ეს პირველი შემთხვევა იყო, როდესაც რომის პაპმა კატალონიაში წირვა ჩაატარა. ამ წირვას სტადიონზე 120 ათასი ადამიანი დაესწრო.

1986 წელი

დაიბადა “ბარსელონას” ყოფილი უკრაინელი მცველი დმიტრო ჩიგრინსკი. 2009/10 წლების სეზონში მან “ბლაუგრანას” მაისურით 14 თამაში ჩაატარა. ჩიგრინსკიმ კატალონიურ გუნდში ესპანეთის ჩემპიონატი და მსოფლიოს საკლუბო ჩემპიონატი მოიგო.

2025 წელი

“ბარსელონას” პირველმა გუნდმა მასშტაბური რეკონსტრუქციის შემდეგ პირველად ჩაატარა განახლებულ “კამპ ნოუზე” გულშემატკივრებისთვის ღია ვარჯიში.

ისტორიულ ღონისძიებას 21 795 მაყურებელი დაესწრო. ეს მოხდა სტადიონზე ბოლო მატჩის ჩატარებიდან 895 დღის შემდეგ.

ჰანსი ფლიკის გუნდის ვარჯიში სტადიონის ხელახალი გახსნის პროცესის მნიშვნელოვანი ეტაპი იყო. კლუბმა ერთდროულად შეამოწმა ინფრასტრუქტურისა და უსაფრთხოების სისტემების მუშაობა.

ღონისძიებას საქველმოქმედო დანიშნულებაც ჰქონდა: ბილეთებიდან მიღებული თანხა “ბარსელონას” ფონდის პროგრამას მოხმარდა, რომელიც მძიმე დაავადებების მქონე ბავშვებსა და მათ ოჯახებს ეხმარება.