წარმოგიდგენთ რუბრიკას “ერთი დღე “ბარსელონას” ისტორიაში”. ამჯერად შემოგთავაზებთ “ბარსელონასთან “დაკავშირებულ მოვლენებს, რომლებიც 8 ოქტომბერს მოხდა.
თამაშები
8 ოქტომბერს “ბარსელონამ” 9 ოფიციალური თამაში ჩაატარა, საიდანაც კატალონიელებმა 5 მოიგეს და 4 ფრედ დაასრულეს.
1956 წელი
დაიბადა “ბარსელონას” ყოფილი ნახევარმცველი ტენტე სანჩესი. 1975-1986 წლებში მან “ბლაუგრანას” მაისურით 352 თამაში ჩაატარა და 52 გოლი გაიტანა. სანჩესმა კატალონიურ გუნდში 3 ესპანეთის თასი, 2 თასების მფლობელთა თასი, 2 ესპანეთის ლიგის თასი, 1 ესპანეთის სუპერ თასი და 1 ესპანეთის ჩემპიონატი მოიგო.
1986 წელი
მადრიდში გამართული “ელ კლასიკო” 1-1 დასრულდა. სტუმართაგან გოლი ანხელ პედრასამ გაიტანა.
1994 წელი
პეპ გვარდიოლამ ლა ლიგაში პირველი გოლი გაიტანა. ეს “ატლეტიკოსთან” ანგარიშით 4-3 მოგებულ თამაშში მოხდა.
2023 წელი
ლა ლიგაში “გრანადასთან” გამართულ მატჩში (2-2) ლამინ იამალმა “ბარსელონას” პირველი გუნდის მაისურით სადებიუტო გოლი გაიტანა. ამ დარტყმით იამალი ლა ლიგის ისტორიაში ყველაზე ახალგაზრდა გამტანი გახდა.
2023 წელი
იმავე დღეს ქალთა გუნდმა “რეალ სოსიედადი” 3-0 დაამარცხა. კაროლინ გრემ ჰანსენმა დუბლი შეასრულა, ალექსია პუტელიასმა კი ერთი გოლი გაიტანა და “ბარსელონას” მაისურით 181 გოლით ჯენი ერმოსოს გაუთანაბრდა კლუბის ქალთა გუნდის ყველა დროის საუკეთესო ბომბარდირთა სათავეში. ეს ასევე იყო ქალთა პირველი გუნდის ზედიზედ 70-ე გამარჯვება “იოჰან კრუიფზე” ჩატარებულ 70 მატჩში.
2024 წელი
40 წლის ასაკში ანდრეს ინიესტამ ბარსელონაში გამართულ ღონისძიებაზე პროფესიონალური ფეხბურთიდან წასვლა ოფიციალურად გამოაცხადა. მან “ბარსელონაში” ცხოვრების 22 წელი გაატარა – ექვსი აკადემიაში და 16 პირველ გუნდში – და კლუბთან ერთად 32 ტიტული მოიგო.
2025 წელი
დადასტურდა, რომ “ვილიარეალისა” და “ბარსელონას” ლა ლიგის შეხვედრა 20 დეკემბერს მაიამის “ჰარდ როკ სტედიუმზე” უნდა გამართულიყო. ეს ესპანეთის ჩემპიონატის ოფიციალური მატჩის აშშ-ში ჩატარების ისტორიული მცდელობა იყო, თუმცა 21 ოქტომბერს გეგმა საბოლოოდ გაუქმდა.
რით ვერ გავიდა ერთი წელი.