ერთი დღე “ბარსას” ისტორიაში – 7 ოქტომბერი

წარმოგიდგენთ რუბრიკას “ერთი დღე “ბარსელონას” ისტორიაში”. ამჯერად შემოგთავაზებთ “ბარსელონასთან “დაკავშირებულ მოვლენებს, რომლებიც 7 ოქტომბერს მოხდა.

თამაშები

7 ოქტომბერს “ბარსელონამ” 16 ოფიციალური თამაში ჩაატარა, საიდანაც კატალონიელებმა 10 მოიგეს და 6 ფრედ დაასრულეს.

1896 წელი

დაიბადა “ბარსელონას” ფილიპინელი ლეგენდარული თავდამსხმელი პაულინო ალკანტარა. 1912-1916 და 1918-1927 წლებში მან “ბლაუგრანას” მაისურით 357 თამაში ჩაატარა და 367 გოლი გაიტანა. ალკანტარამ “ბარსელონაში” 10 კატალონიის თასი და 5 ესპანეთის თასი მოიგო.

1958 წელი

დაიბადა “ბარსელონას” ყოფილი მცველი ხულიო ალბერტო. 1982-1991 წლებში მან “ბლაუგრანას” მაისურით 301 თამაში ჩაატარა და 12 გოლი გაიტანა. ალბერტომ კატალონიურ გუნდში 3 ესპანეთის თასი, 2 ესპანეთის ლიგის თასი, 2 ესპანეთის ჩემპიონატი, 1 ესპანეთის სუპერ თასი და 1 თასების მფლობელთა თასი მოიგო.

1973 წელი

“კამპ ნოუზე” გამართული “ელ კლასიკო” 0-0 დასრულდა.

1989 წელი

“კამპ ნოუზე” გამართულ “ელ კლასიკოში” “ბარსელონამ” 3-1 მოიგო. მასპინძელთაგან გოლები კუმანმა (2) და სალინასმა გაიტანეს.

2012 წელი

“კამპ ნოუზე” გამართული “ელ კლასიკო” 2-2 დასრულდა. ლიონელ მესიმ ლა ლიგის საშინაო შეხვედრებში თავისი 99-ე და მე-100 გოლები გაიტანა.

2019 წელი

ვიქტორ ვალდესი “ბარსელონას” 19 წლამდელთა გუნდში სამთვიანი მუშაობის შემდეგ გაათავისუფლეს.