ერთი დღე “ბარსას” ისტორიაში – 6 ოქტომბერი

წარმოგიდგენთ რუბრიკას “ერთი დღე “ბარსელონას” ისტორიაში”. ამჯერად შემოგთავაზებთ “ბარსელონასთან “დაკავშირებულ მოვლენებს, რომლებიც 6 ოქტომბერს მოხდა.

თამაშები

6 ოქტომბერს “ბარსელონამ” 15 ოფიციალური თამაში ჩაატარა, საიდანაც კატალონიელებმა 10 მოიგეს, 2 ფრედ დაასრულეს და 3 წააგეს.

1905 წელი

“ბარსელონას” პრეზიდენტის პოსტზე არტურ ვიტი ჟოზეპ სოლერმა შეცვალა.

1957 წელი

“კამპ ნოუზე” გამართულ პირველ ოფიციალურ შეხვედრაში “ბარსელონამ” “რეალ ხაენი” 6-1 გაანადგურა.

“კამპ ნოუზე” ოფიციალურ მატჩში პირველი გოლი რამონ ვილავერდემ გაიტანა. “ბარსელონას” მხრიდან ასევე გაიტანეს ხუსტო ტეხადამ ორჯერ, ლასლო კუბალამ და ეულოხიო მარტინესმა.

1965 წელი

დაიბადა “ბარსელონას” ყოფილი თავდამსხმელი კიკე ესტებარანსი. 1993/94 წლების სეზონში მან “ბლაუგრანას” მაისურით 25 თამაში ჩაატარა და 4 გოლი გაიტანა. ესტებარანსმა კატალონიურ გუნდში ესპანეთის ჩემპიონატი მოიგო.

1965 წელი

ბაზრობათა თასის (ამჟამინდელი ევროპა ლიგა) პირველი ეტაპის განმეორებით მატჩში “ბარსელონამ” “უტრეხტი” 7-1 გაანადგურა. 5 გოლი სალდუამ გაიტანა.

1967 წელი

დაიბადა “ბარსელონას” ყოფილი მცველი სერჟი ლოპეს სეგუ. 1988-1991 წლებში მან “ბლაუგრანას” მაისურით 21 თამაში ჩაატარა. სერჟიმ კატალონიურ გუნდში 1 ჩემპიონთა ლიგა, 1 ესპანეთის თასი და 1 ესპანეთის ჩემპიონატი მოიგო.

1985 წელი

73 წლის ასაკში გარდაიცვალა “ბარსელონას” ყოფილი ფეხბურთელი და მწვრთნელი ერნიკე ფერნანდესი.

1996 წელი

“ბარსელონას” აკადემიაში ანდრეს ინიესტას დებიუტი შედგა. მან 14 წლამდელთა B გუნდში ითამაშა.

2017 წელი

ანდრეს ინიესტამ “ბარსელონასთან” უვადო კონტრაქტი გააფორმა.

2019 წელი

ლა ლიგაში “სევილიასთან” გამართულ შეხვედრაში (4-0) “ბარსელონას” მაისურით რონალდ არაუხოს დებიუტი შედგა. ურუგვაელმა მოედანზე გამოსვლიდან 15 წუთში წითელი ბარათი მიიღო.

მარკ-ანდრე ტერ შტეგენმა კლუბის მაისურით მე-200 მატჩი ჩაატარა.

2024 წელი

ჰანსი ფლიკის “ბარსელონამ” ლა ლიგაში სტუმრად “ალავესი” 3-0 დაამარცხა. სამივე გოლი რობერტ ლევანდოვსკიმ გაიტანა – მე-7, 22-ე და 32-ე წუთებზე. პოლონელმა ჰეთ-თრიკი მატჩის პირველივე 32 წუთში დაასრულა.

გამარჯვების შემდეგ “ბარსელონამ” ლა ლიგის სათავეში “რეალ მადრიდთან” სამქულიანი უპირატესობა აღადგინა, ლევანდოვსკის კი ჩემპიონატის პირველ 9 ტურში უკვე 10 გოლი ჰქონდა.