ერთი დღე “ბარსას” ისტორიაში – 15 აგვისტო

წარმოგიდგენთ რუბრიკას “ერთი დღე “ბარსელონას” ისტორიაში”. ამჯერად შემოგთავაზებთ “ბარსელონასთან “დაკავშირებულ მოვლენებს, რომლებიც 15 აგვისტოს მოხდა.

თამაშები

15 აგვისტოს “ბარსელონამ” 2 ოფიციალური თამაში ჩაატარა. კატალონიელებმა 1 მატჩი მოიგეს და 1 ფრედ დაასრულეს.

1976 წელი

დაიბადა “ბარსელონას” ყოფილი ნიდერლანდელი ნახევარმცველი ბუდევეინ ზენდენი. 1998-2001 წლებში მან “ბლაუგრანას” მაისურით 97 თამაში ჩაატარა და 3 გოლი გაიტანა. ზენდენმა კატალონიურ გუნდში ესპანეთის ჩემპიონატი მოიგო.

1999 წელი

ესპანეთის სუპერ თასის განმეორებით მატჩში “ბარსელონამ” და “ვალენსიამ” 3-3 ითამაშეს. მასპინძელთაგან გოლები კლუივერტმა (2) და რონალდ დე ბურმა გაიტანეს. პირველი თამაში “ბარსას” 0-1 ჰქონდა წაგებული.

2021 წელი

ლა ლიგის პირველ ტურში “სოსიედადთან” ანგარიშით 4-2 მოგებულ შეხვედრაში “ბარსელონაში” დებიუტი ჰქონდათ მემფის დეპაის, ერიკ გარსიას, ნიკო გონსალესსა და ემერსონს. დეპაიმ პირველივე შეხვედრაში თავი გატანილი გოლით გამოიჩინა.

ეს შეხვედრა სერჟი რობერტოსთვის ლა ლიგაში მე-200 გამოდგა.