ერთი დღე “ბარსას” ისტორიაში – 30 მარტი

წარმოგიდგენთ რუბრიკას “ერთი დღე “ბარსელონას” ისტორიაში”. ამჯერად შემოგთავაზებთ “ბარსელონასთან “დაკავშირებულ მოვლენებს, რომლებიც 30 მარტს მოხდა.

თამაშები

31 მარტს “ბარსელონას” 21-ჯერ უთამაშია. კატალონიელებმა 10 მატჩი მოიგეს, 4 ფრედ დაასრულეს და 6 წააგეს.

1924 წელი

ესპანეთის თასის გასვლით მატჩში “ბარსელონამ” “სტადიუმ სარაგოსა” 9-0 გაანადგურა. გოლები ალკანტარამ (3), საგი-ბარბამ (2), გრასიამ (2) და სამიტიერმა (2) გაიტანეს.

1930 წელი

ლა ლიგის ბოლო ტურში, მადრიდში, “ბარსელონა” “რეალ მადრიდთან” 1-5 განადგურდა, თუმცა კატალონიელებმა გათამაშება მე-2 ადგილზე დაასრულეს, ხოლო მადრიდელებმა – მეხუთეზე.

1947 წელი

ლა ლიგის საშინაო შეხვედრაში “ბარსელონამ” “რეალ მადრიდი” 3-2 დაამარცხა. მასპინძელთაგან გოლები ალფონსო ნავარომ (2)  და ხოსე ბრავომ გაიტანეს.

1964 წელი

ლა ლიგის საშინაო შეხვედრაში “ბარსელონა” “რეალ მადრიდთან” 1-2 დამარცხდა. მასპინძელთაგან ერთადერთი გოლი სალდუამ გაიტანა.

1975 წელი

ლა ლიგის საშინაო მატჩში “ბარსელონამ” თანაქალაქელი “ესპანიოლი” 4-1 დაამარცხა. იოჰან კრუიფისთვის ეს  ესპანეთის ჩემპიონატში ჩატარებული 50-ე თამაში გამოდგა.

1988 წელი

ესპანეთის თასის ფინალში “ბარსელონამ” “სოსიედადი” ალეშანკოს ერთადერთი გოლით დაამარცხა და ტიტულს 21-ედ დაეუფლა.

2013 წელი

ლიონელ მესი ისტორიაში პირველი ფეხბურთელი გახდა, რომელმაც ლა ლიგის ცხრამეტივე გუნდს ზედიზედ გაუტანა. ეს შედეგი “სელტასთან” 2-2 დასრულებულ შეხვედრაში დაფიქსირდა.