ერთი დღე “ბარსას” ისტორიაში – 26 მარტი

წარმოგიდგენთ რუბრიკას “ერთი დღე “ბარსელონას” ისტორიაში”. ამჯერად შემოგთავაზებთ “ბარსელონასთან “დაკავშირებულ მოვლენებს, რომლებიც 26 მარტს მოხდა.

თამაშები

26 მარტს “ბარსელონას” 12-ჯერ უთამაშია. კატალონიელებმა 6 მატჩი მოიგეს, 3 ფრედ დაასრულეს და 3 წააგეს.

1916 წელი

ესპანეთის თასზე “ბარსელონასა” და “რეალ მადრიდს” შორის გამართული პირველი შეხვედრა კატალონიელებმა 2-1 მოიგეს. მასპინძელთაგან გოლები ალკანტარამ და მარტინესმა გაიტანეს.

1922 წელი

დაიბადა “ბარსელონას” ყოფილი მწვრთნელი (1961) ენრიკე ორისაოლა. ის “ბლაუგრანაში” მხოლოდ 5 თვის განმავლობაში მუშაობდა.

1933 წელი

ლა ლიგის ბოლო ტურში “ბარსელონამ” და “რასინგმა” 4-4 ითამაშეს. კატალონიელებმა ის გათამაშება მე-4 ადგილზე დაასრულეს.

1962 წელი

ლა ლიგის გასვლით შეხვედრაში “ბარსელონა” “რეალ მადრიდთან” ანგარიშით 2-3 დამარცხდა. კატალონიელები 0-3 მარცხდებოდნენ, მე-80 და 89-ე წუთებზე კი 2 ბურთი ლუის სუარესმა და კუბალამ გაქვითეს.

1962 წელი

დაიბადა “ბარსელონას” ყოფილი მცველი ლუის ლოპეს რეკარტე. 1988-1991 წლებში მან “ბლაუგრანას” მაისურით 86 თამაში ჩაატარა და 1 გოლი გაიტანა. რეკარტემ “ბარსელონაში” თასების მფლობელთა თასი, ესპანეთის თასი და ესპანეთის ჩემპიონატი მოიგო.

1983 წელი

“ბარსელონამ” “რეალ მადრიდი” სეზონის მეორე “ელ კლასიკოშიც” დაამარცხა. “კამ ნოუზე” 2-1 მოგებულ შეხვედრაში მასპინძელთაგან გოლები მარადონამ და პერიკო ალონსომ გაიტანეს.

1995 წელი

85 წლის ასაკში გარდაიცვალა “ბარსელონას” ყოფილი თავდამსხმელი ალეხანდრო მორერო სოტო.

2010 წელი

იოჰან კრუიფი “ბარსელონას” საპატიო პრეზიდენტად დასახელდა.

2014 წელი

“სელტასთან” 3-0 მოგებულ შეხვედრაში ვიქტორ ვალდესმა მძიმე ტრავმა მიიღო. ეს “ბარსელონაში” მისი ბოლო თამაში გამოდგა.