ერთი დღე “ბარსას” ისტორიაში – 5 მარტი

წარმოგიდგენთ რუბრიკას “ერთი დღე “ბარსელონას” ისტორიაში”. ამჯერად შემოგთავაზებთ “ბარსელონასთან “დაკავშირებულ მოვლენებს, რომლებიც 5 მარტს მოხდა.

თამაშები

5 მარტს “ბარსელონას” 18-ჯერ უთამაშია. კატალონიელებმა 11 მატჩი მოიგეს, 4 ფრედ დაასრულეს და 1 წააგეს.

1916 წელი

“ინდუსტრიაზე” გამართულ შეხვედრაში “ბარსელონამ” “რეალ მადრიდი” 3-0 გაანადგურა. მასპინძელთა მხრიდან გოლები ვინიალსმა (2) და მარტინესმა გაიტანეს.

1933 წელი

ჟოზეპ სამიტიერმა ყოფილ გუნდს დუბლი შეუსრულა და “რეალ მადრიდმა” “ბარსელონა” 2-1 დაამარცხა. სტუმართა მხრიდან ერთადერთი გოლი ლუის რეგეირომ გაიტანა.

1953 წელი

დაიბადა “ბარსელონას” ყოფილი მწვრთნელი (2000-2001) ლორენსო სერა ფერერი.

1958 წელი

ბაზრობათა თასის (ამჟამინდელი ევროპა ლიგა) ფინალის პირველ მატჩში “ბარსელონამ” ლონდონის ნაკრებთან 2-2 ითამაშა.

1986 წელი

“ბარსელონამ” ჩემპიონთა თასის მაშინდელი გამარჯვებული “იუვენტუსი” 1/4 ფინალის პირველ მატჩში “კამპ ნოუზე” 1-0 დაამარცხა. თამაშს 120 ათასი ადამიანი დაესწრო, რაც დღემდე სტადიონის რეკორდად რჩება.

1991 წელი

დაიბადა “ბარსელონას” ქალთა გუნდის ყოფილი კაპიტანი ვიკი ლოსადა.