“ფიფამ” 2011 წლის მსოფლიოს საუკეთესო ფეხბურთელად ლიონელ ანდრეს მესი დაასახელა. არგენტინელი “უცხოპლანეტელი” უკვე მესამე წელია არავის უთმობს საუკეთესოს წოდებას.
გასულ წელს მესიმ “ბარსელონასთან” ერთად მოიგო ესპანეთის ჩემპიონატი, ჩემპიონთა ლიგა, ესპანეთის სუპერთასი, ევროპის სუპერთასი და მსოფლიოს საკლუბო ჩემპიონატი. ლეო დასახელდა ჩემპიონთა ლიგის ფინალური შეხვედრის საუკეთესო მოთამაშედ, ისევე როგორც ის გამოირჩა მსოფლიოს საკლუბო ჩემპიონატზე.
