წაუგებელი სერია სანაკრებო პაუზების შემდეგ

ჰანსი ფლიკის “ბარსელონას” სანაკრებო პაუზის შემდეგ წაუგებელი სერია აქვს – შვიდი გამარჯვება და ერთი ფრე.

სანაკრებო პაუზის შემდეგ საკლუბო ფეხბურთში დაბრუნება ყოველთვის მარტივი არ არის. “ბარსა” ამას ძალიან კარგად აცნობიერებს, რადგან ეროვნულ ნაკრებებში თამაშისას ფეხბურთელების მიერ მიღებული ტრავმების შედეგები მას არაერთხელ გამოუცდია.

შვიდი გამარჯვება, ერთი ფრე

თუმცა, როგორც ჩანს, ჰანსი ფლიკმა ფორმულა იპოვა. მისი “ბარსაში” მოსვლის შემდეგ “ბლაუგრანამ” სანაკრებო მატჩების შემდეგ რვა თამაშიდან შვიდი მოიგო. დანარჩენი ერთი თამაში ფრედ დასრულდა.

ამ სეზონში ყველა გამარჯვება

ამ სეზონში სანაკრებო პაუზიდან დაბრუნების შემდეგ კატალონიელებს 100%-იანი მაჩვენებელი აქვთ – სამი საშინაო გამარჯვება, რასაც “მეტროპოლიტანოს” სტადიონზე ბოლო მოგებაც ემატება, რაც ამ ოთხიდან უდავოდ ყველაზე რთული გამოცდა იყო.

• 6-0 “ვალენსიას” წინააღმდეგ (სექტემბერი 2025)

• 2-1 “ჟირონას” წინააღმდეგ (ოქტომბერი 2025)

• 4-0 “ატლეტიკის” წინააღმდეგ (ნოემბერი 2025)

• 1-2 “ატლეტიკოს” წინააღმდეგ (აპრილი 2026)

გასულ სეზონში ოთხიდან სამი

გასულ სეზონში ეს მაჩვენებელი ასევე თითქმის იდეალური იყო, რასაც ხელი მხოლოდ “ბალაიდოსის” სტადიონზე დაფიქსირებულმა ფრემ შეუშალა.

• 1-4 “ჟირონას” წინააღმდეგ (სექტემბერი 2024)

• 5-1 “სევილიას” წინააღმდეგ (ოქტომბერი 2024)

• 2-2 “სელტას” წინააღმდეგ (ნოემბერი 2024)

• 3-0 “ოსასუნას” წინააღმდეგ (მარტი 2025)