რაფინია ჩემპიონთა ლიგის კვირის საუკეთესო ფეხბურთელობისთვის იბრძვის

“ბარსელონას” ბრაზილიელი შემტევი რაფინია ჩემპიონთა ლიგის კვირის საუკეთესო ფეხბურთელობისთვის იბრძვის.

UEFA-ს გადაწყვეტილებით კვირის საუკეთესო ოთხ ფეხბურთელს შორის რაფინია, ვინისიუს ჟუნიორი, ფრანსიშკუ ტრინკაუ და დომინიკ სობოსლაი მოხვდნენ.

“ნიუკასლთან” გამართულ შეხვედრაში რაფინიამ თავი 2 გოლითა და 2 საგოლე გადაცემით გამოიჩინა. ის კვირის ყველაზე შედეგიანი ფეხბურთელია.

მისმა თანამემამულემ, ვინისიუს ჟუნიორმა “მანჩესტერ სიტისთან” სტუმრად 2-1 მოგებულ შეხვედრაში დუბლი გაიფორმა.

“ბარსას” ყოფილმა ფეხბურთელმა, ფრანსიშკუ ტრინკაუმ “ბოდო გლიმტთან” “სპორტინგის” 5-0 მოგებულ მატჩში 2 საგოლე გადაცემა გააკეთა.

დომინიკ სობოსლაიმ კი, “ლივერპულისა” და “გალათასარაის” მატჩში (4-0) ერთი გოლი გაიტანა.