ესპანეთმა ქალთა ევროპის ჩემპიონატის ნახევარფინალში გერმანიას 1-0 მოუგო და, ისტორიაში პირველად, ამ ტურნირის ფინალშია.
90 წუთში გამარჯვებული ვერ გამოვლინდა და მატჩი დამატებით დროში გადავიდა. 113-ე წუთზე, გერმანიას აიტანა ბონმატიმ გაუტანა — ბარსელონას ფეხბურთელმა ან-კატრინ ბერგერის კარი ძალიან მახვილი კუთხიდან, ძლიერი დარტყმით აიღო.
აღსანიშნავია, რომ ესპანეთის ნაკრების სასტარტო შემადგენლობაში 7 ბარსელონელი იყო – აიტანა ბონმატი, ალექსია პუტელიასი, კლაუდია პინა, ირენე პარედესი, კატა კოლი, პატრისია გიხარო და ონა ბატლიე. სალმა პარალიუელო თამაშში 68-ე წუთზე ჩაერთო, ვიკი ლოპესი და ჟანა ფერნანდესი კი სათადარიგოთა სკამზე დარჩნენ.
“ფურია როხა” ფინალში ინგლისს დაუპირისპირდება. ეს შეხვედრა 27 ივლისს (20:00), ბაზელში, “სტ. იაკობ-პარკზე” გაიმართება.
წარმატებები
მოკლეს ბარსელონას ფეხბურთელების გარეშე, ქალები იქნებიან თუ კაცები ესპანეთის ნაკრებს არაფერი გამოსდის.