“ბარსელონას” უკვე ჰყავს სუპერვარსკვლავი – ლამინ იამალი, რომელიც მხოლოდ 17 წლისაა, მაგრამ მას უკვე მსოფლიო დონის ტალანტად მიიჩნევენ. ბოლო 12–18 თვეში მისი თამაშები გულშემატკივრებმაც და ექსპერტებმაც აღტაცებით შეაფასეს, ხოლო ყოფილი ფეხბურთელები მისი შესაძლებლობებით უბრალოდ მოჯადოებულნი დარჩნენ.
უკვე ისმის ხმები იმის შესახებ, რომ ლამინ იამალმა “ოქროს ბურთიც” კი შეიძლება მოიგოს, მიუხედავად ასაკისა. ეს კარგად ასახავს იმ ფენომენალურ დონეს, რაც მან გამოავლინა 2023 წელს “ბარსელონას” პირველ გუნდში 15 წლის ასაკში დებიუტის შემდეგ.
აგუერო და პოგბა ლამინ იამალს აქებენ
თუმცა მისი სტატისტიკა გოლების მხრივ შესაძლოა რაფინიასა და რობერტ ლევანდოვსკის მონაცემებზე დაბალი იყოს, იამალი მაინც მიიჩნევა “ბარსელონას” ყველაზე შთამბეჭდავ ფეხბურთელად. სერხიო აგუეროს თქმით (წყარო: Mundo Deportivo), ამის მთავარი მიზეზი მისი უნარია, გუნდს გოლისა და თამაშის შექმნაში დაეხმაროს:
ლამინ იამალი გუნდზე თამაშობს – მისთვის მნიშვნელობა არ აქვს, მეტ გოლს გაიტანს თუ ნაკლებს. ის ბევრ საგოლე პასს ასრულებს და მუდმივად ქმნის მომენტებს.
აგუერო ამ კომენტარს აკეთებდა საკუთარ პოდკასტში, სადაც მასთან ერთად სტუმრად იყო პოლ პოგბაც. “მანჩესტერ იუნაიტედისა” და “იუვენტუსის” ყოფილმა ნახევარმცველმაც იამალისადმი აღფრთოვანება გამოთქვა:
ის საოცარი ფეხბურთელია, მაგრამ რაც ყველაზე მეტად მაოცებს – ეს მისი მენტალიტეტია. ის ყოველთვის თამაშობს სუფთად, რაც ასეთი ასაკის ფეხბურთელისთვის უბრალოდ გიჟური რამეა. ის მუდმივად გუნდისთვის თამაშობს.
ლამინ იამალისთვის კარიერის სტარტი უკვე დაუჯერებელი იყო, მაგრამ ეს მხოლოდ დასაწყისია. ამას თავად “ბარსელონას” მთავარი მწვრთნელი ჰანსი ფლიკიც ხაზგასმით აღნიშნავს. თუმცა ეჭვი არავის ეპარება, რომ იამალი მსოფლიო ფეხბურთის ერთ-ერთ ლიდერ მოთამაშედ ყალიბდება თუ უკვე არაა.
ახლა მისთვის მთავარია, თავი დახრილი ჰქონდეს და განაგრძოს გაუმჯობესება – წლიდან წლამდე. მასზე დიდი იმედებია და როგორც ჩანს, ისინი სრულად რეალიზდება.
ცოტა ხასიათი აქვს დასაოკებელი
ნამეტანი ქებაც არ ვარგა, უკვე მეტოქეებს ამცირებს და ეს ძალიან ცუდია. არ უნდა ლაპარაკი მაგალითად რო რეალს სულ მოუგებ მითუმეტეს როცა ხანდახან ოსასუნასთაც მარცხდები. არ უნდა ყველაფრის სოცქსელებში გამოქვეყნება, ჯერ პატარა ხარ ითამაშე თავდახრილმა და აუცილებლად მოვა დაფასება.
აი რა თქვა „ბარსელონას“ ყოფილმა თავდამსხმელმა ნოლიტომ ბარსელონის და ესპანეთის ნაკრების ფლანგელის ლამინე იამალის ერთა ლიგაზე საფრანგეთთან მატჩის (5:4) შემდეგ პრესკონფერენციაზე კეპკით მისვლის გამო.
„მამაჩემი რომ ვიყო, ყურში ქუდს ჩავარტყამდი. გულწრფელად რომ ვთქვა, ასეთი საქციელი არ მომწონს. ასეთ რაღაცეებს თავისი დრო და ადგილი აქვს. ბოლოს და ბოლოს, ის ისეთ სერიოზულ კლუბს წარმოადგენს, როგორიც „ბარსელონაა“, – თქვა ნოლიტომ El Chringuito-სთან ინტერვიუში.
ამდენი ქება ჩემი აზრით არ ვარგა,17 წლის არის და 28-29 რომ იყოს მესმის მაგრამ ასე ძაან არ შეიძლება უარყოფითად იმოქმედოს
მთავარია ამდენმა პიარმა არ გააფუჭოს ეგ ბიჭი, 17 წლის ასაკში უკვე სუპერვარსკვლავია და ამ ფაქტმა შეიძლება უარყოფითი გავლენა მოახდინოს იამალზე. ღმერთმა არ ქნას!
რამდენიმეგან დაიწერა ნიკოს გამოსასყიდს მომდევნო კვირაში გადაიხდიანო და მგონი სრულდება საგა