“ბარსელონას” 17 წლის ვარსკვლავი ლამინ იამალი რომ კონტრაქტს გაახანგრძლივებს, ამაში ეჭვი არავის ეპარება, მაგრამ მანამდე მხარეებმა გარკვეული დეტალები უნდა შეათანხმონ.
COPE-ს ჟურნალისტი ვიქტორ ნავარო იტყობინება, რომ იამალის აგენტებმა “ბარსელონას” სთხოვეს, მათი კლიენტი კლუბის ყველაზე მაღალანაზღაურებადი ფეხბურთელი გახდეს. ისინი მიიჩნევენ, რომ ესპანელი ვუნდერკინდი ამას იმსახურებს. ამის არგუმენტი ისაა, რომ ლამინი გუნდის საუკეთესო მოთამაშეა, რადგან მოედანზე ყველაზე მეტ შანსს, სხვაობას ქმნის, აქვს რაღაც განსხვავებული და ინტერვიუებისთვის ყველაზე მოთხოვნადი ფეხბურთელია. ასევე იგრძნობა, რომ იამალი კლუბს ფინანსურად ყველაზე მეტად დაეხმარება, განსაკუთრებით მას შემდეგ, რაც 10-ნომრიან მაისურს ჩაიბარებს.
წყაროს ცნობებით, “ბარსელონას” ეს ყველაფერი ესმის, მაგრამ კატალონიურ კლუბს წარსულის შეცდომების გამეორება არ სურს.
“ბარსას” ახლანდელი ყველაზე მაღალანაზღაურებადი ფეხბურთელები რობერტ ლევანდოვსკი და ფრენკი დე იონგი არიან, თუმცა ივარაუდება, რომ ნიდერლანდელი ნახევარმცველის კონტრაქტის გახანგრძლივების შემთხვევაში მისი ხელფასი შემცირდება.
რომელი აგენტები, მენდეში არ არის ამის აგენტი? თუ მეტი ყავს? 17 წლის ბიჭს რათ უნდა "აგენტები", აგენტი არ ყოფნის?
ზოგადად მამამისი მაგარი ქინძი ტიპია, თან მოროკოელია, + ჩვენი შოთასავითაა😂 რაღაც სლეობა ვიდეოებს იღებს, თვითონ მოროკოელებმა დაჭრეს ზაფხულში ისეთი ამოსული ტიპია😂